Almatyda ótetin «Álem barysyna» 29 elden balýandar keledi
ASTANA. QazAqparat - Almaty qalasynda 1-2 jeltoqsan kúnderi Tuńǵysh Prezıdent kúnine oraı qazaq kúresinen «Álem barysy» ótedi, dep habarlaıdy QazAqparat tilshisi.
QR Qazaq kúresi federatsııasynyń baspasóz qyzmeti málim etkendeı, 1 jeltoqsan kúni Almatyda qazaq kúresinen «Álem barysy» absolıýttik álem chempıonaty qatysýshylarynyń resmı salmaq ólsheý rásimi ótedi. Jarysqa 29 elden 34 balýan qatyspaq.
Qazaq kúresinen «Álem barysy» absolıýttik álem chempıonaty 2 jeltoqsan Balýan Sholaq atyndaǵy sport saraıynda bolady.
