Almatyda otbasylyq janjaldyń sońy er adamnyń ólimimen aıaqtaldy
ALMATY. 16 shilde. QazAqparat - Almatyda otbasylyq janjaldyń sońy qaıǵyly aıaqtaldy. Bul týraly qalalyq ІІD baspasóz qyzmetinen habarlady.
Otbasylyq urys-keristiń barysynda 1973 jylǵy áıel óziniń 47 jastaǵy kúıeýine pyshaq suǵyp alǵan. Er adam aýrýhanaǵa jetkizilgenimen onyń ómirin saqtap qalý múmkin bolmady.
Kúdikti sol kúni onyń kúıeýi týǵan kúnin atap ótkenin aıtady. Meımandar ketken soń, er adam áıelin tepkiniń astyna alǵan. Basyna tıgen jaraqattyń saldarynan ol odan ári ne bolǵanyn durystap esine túsire de almaıdy.
Búgingi tańda áıel eshqaıda ketpeý týraly qolhatpen bosatyldy. QR QK 109 baby 3 bóligi boıynsha (densaýlyqqa qasaqana aýyr zııan tıgizý, merzimi - 5 jyldan 10 jylǵa deıin) qylmystyq is qozǵaldy.
