Almatyda «Otanym meniń, sen úshin shyrqaımyn» áskerı-patrıottyq festıvali ótip jatyr
ALMATY. Qazannyń 26-sy. QazAqparat /Ádilet Musahaev/ - Búgin Almatyda jas oryndaýshylardyń áskerı-patrıottyq «Otanym meniń, sen úshin shyrqaımyn» festıvali bastaldy,
dep habarlaıdy QazAqparat.
Sharanyń maqsaty - jastardyń elge degen súıispenshiligin arttyryp, patrıottyqqa baýlı otyryp, Otan qorǵaýshylardy qurmetteı bilýge tárbıeleý.
Konkýrstyń birinshi irikteý kezeńi qyrkúıektiń 29-y men qazannyń 9-y aralyǵynda ótti. Bul kúnderi konkýrs boıynsha irikteý týrǵa tapsyrystar qabyldandy. Sharaǵa qatysýǵa mektep, lıtseı, kolledj túlekteri, joǵary oqý oryndardyń stýdentteri, áskerı jastar, mýzykalyq ujymdar, áýesqoı jáne vokaldy ansamblder shaqyrylǵan.
Búgin «Ótken jyldyń patrıottyq ánderi» jáne «Qazirgi azamattyq jáne patrıottyq ánder mazmuny» atalymy boıynsha ánder irikteýi bolady. Qazannyń 27-de «Qazaq tilindegi patrıottyq ánder», «Avtorlyq ánder» atalymdary boıynsha ánder irikteý bolady. Jeńimpazdardy, eń jaqsy oryndaýshylardy jáne qurmetti qonaqtardy marapattaý qazannyń 30-na belgilenip otyr.
