Almatyda «Otandyq jýrnaldar: ózekti máseleleri jáne bolashaǵy» taqyryby boıynsha dóńgelek ústel ótedi
ASTANA. 4 qarasha. QazAqparat - Erteń, 5 qarashada Almaty qalasyndaǵy Dostyq úıinde baspasóz ónimderin taratýshylardyń, respýblıkalyq jáne salalyq jýrnaldardyń bas redaktorlarynyń, múddeli mınıstrlikter men jýrnaldardy shyǵarýshy Assotsıatsııa ókilderiniń qatysýymen «Otandyq jýrnaldar: ózekti máseleleri jáne bolashaǵy» taqyryby boıynsha Dóńgelek ústel ótedi.
Atalmysh is-sharany «Bas redaktorlar klýby» respýblıkalyq qoǵamdyq birlestigi uıymdastyryp otyr.
Dóńgelek ústel barysynda jeke satý toraby arqyly baspa ónimderin ótkizý máselelerin sheshýge oń yqpaly bolatyn qazirgi daıyndalyp jatqan Qazaqstannyń aqparattyq keńistigin damytýdyń baǵdarlamasy talqylanatyn bolady. Bul máseleniń kóp ýaqyttan beri, atap aıtqanda elimiz táýelsizdigin alǵan ýaqyttan beri sheshimin tappaı kele jatqanyn aıtqan jón. Baspa ónimderin taratý básekelestik ortaǵa berilgendigine qaramastan jekelegen tulǵalar bul naryqty basybaıly ózderine telip alǵan jaǵdaılar jıi oryn alýda. Nátıjesinde, ashyq saýda alańynda baspasóz ónimderin taratý redaktsııalar úshin aýyrǵa soǵyp otyr. Ásirese, qazaq tilinde shyǵarylatyn ónimder óte kúrdeli jaǵdaıda qalýda. Qazaq tilindegi jýrnaldar men gazetter satylatyn dúńgirshikterdiń sany saýsaqpen sanarlyqtaı ǵana. Al basqa dúńgirshikterde memlekettik tildegi ónimderdi satýǵa qulyqtylyq tanytpaı keledi. Sol sebepti qazir qazaqstandyq oqyrman sheteldik basylymdardy jıi kezdestiredi, qazaqstandyq kásipkerler ózderiniń jarnamalaryn ózge elderdiń basylymdarynda ornalastyrady. Árıne, mundaı jaǵdaı tez arada túzetýdi qajet etedi desek, bul másele Dóńgelek ústeldiń basty mindeti bolyp tabylady.
Dóńgelek ústeldiń jáne bir naqty mindeti naryq tulǵalary bolyp eseptelinetin baspa ónimderin taratýshylarmen olardy shyǵarýshylardyń araqatynastaryn jaqsartýǵa saıady. Sondaı-aq, ózara qarym-qatynasta oryn alǵan túıindi máselelerdi sheshýdiń tıimdi joldaryn izdeý tóńireginde keń kólemde áńgime bolmaqshy. Áńgimede sonymen qatar otandyq gazet-jýrnal ónimderin taratýdyń balama túrlerin qoldaný joldary da qamtylmaqshy.
Sonymen qatar, atalǵan is-shara aıasynda elimizdegi eń tanymal kóp tırajdy jetekshi otandyq jýrnaldarynyń kórmesi uıymdastyrylady. Kórme barysynda 300-ge jýyq jýrnaldyń kórsetilimi kútilýde.
Dóńgelek ústeldiń qorytyndysy boıynsha jeke satýda qordalanǵan barlyq keshendi máselelerdi sheshýdiń aıqyn joldary belgilenip, naqty usynystar daıyndalady.
