Almatyda Otan qorǵaýshy kúnine oraı merekelik sharalar ótedi
ALMATY. QazAqparat - Almatyda 7 mamyrda Otan qorǵaýshylar kúni men QR Qarýly kúshteriniń qurylǵanyna 30 jyl tolýyna oraı Respýblıka saraıynda saltanatty is-shara ótedi, dep habarlaıdy QazAqparat tilshisi.
Qala ákimdiginen málim etkendeı, shara barysynda ardagerler men áskerı qyzmetshilerge qurmet kórsetiledi.
Budan bólek, Otan qorǵaýshy kúni qarsańynda Almatyda ózge de birqatar shara uıymdastyrylady. Máselen, qalanyń barlyq mektebinde «Erlik sabaqtary», synyp saǵattary, mánerlep oqýdan jáne esse jazýdan baıqaýlar ótedi.
Sondaı-aq ishki ister, qorǵanys, tótenshe jaǵdaılar organdarynyń eńbegimen erekshe kózge túsken qyzmetkerleri alǵys hattarmen marapattalatyn bolady.
Almatyda úsh kún boıy, ıaǵnı 7-9 mamyr aralyǵynda qyzmettik mindetterin atqarý kezinde qaza tapqan sarbazdardyń qurmetine ornatylǵan eskertkishterge gúl shoqtaryn qoıý rásimi ótedi.
7 jáne 9 mamyr kúnderi ótetin merekelik is-sharalarǵa Prezıdent Qasym-Jomart Toqaev qatysatynyn buǵan deıin jazǵan bolatynbyz.
