Almatyda órtten zardap shekken kóp qabatty turǵyn úıdi qalpyna keltirý 10 kúnge sozylýy múmkin

ALMATY. QazAqparat - Almatyda 10 mamyr kúni Abylaı han dańǵyly men Gogol kóshesi qıylysyndaǵy jeti qabatty turǵyn úıdiń birinshi qabatynda ornalasqan «ıÝbıleınyı» sýpermarketi men «Korova bar» dámhanasynan órt shyqqan bolatyn. Tilsiz jaýdyń saldarynan ústińgi qabattarda ornalasqan 24 páterdi órt shaldy.

Al olardy qalpyna keltirý jumystary 10 kúnge sozylýy múmkin. Bul týraly búgin Almaty jylýenergo kesheni jáne turǵyn úı-kommýnaldyq sharýashylyǵy kásipornynyń resmı ókili ıAn Gırın habarlady.

Onyń aıtýynsha, aldaǵy úsh kún ishinde qalpyna keltirý, páterlerdi, baspaldaqtardy kúıeden, qoqystardan tazalaý jumystary júrgiziledi.

Qazir oqıǵa ornynda «Almaty qala qurylysy» AQ-nyń 93 qurylysshysy jumys istep jatyr. Sondaı-aq, tazalaý jumystaryna «Almaty tazalyq» JShS-nyń 30 tehnıkasy jumyldyrylǵan.

«Montajdyq jumystarǵa kóp ýaqyt ketetin bolyp tur. Óıtkeni elektr kabelderi men elektr jabdyqtaryn qaıta qalpyna keltirý múmkin emes. Olardy alyp tastaý kerek. Al bizde ondaı kabelder shyǵarylmaıdy. Olar shet elden arnaıy tapsyryspen satyp alynyp ákelingen kabelder. Qazir biz sol kabelderdi kútip otyrmyz. Olardy iske qosýǵa 10 kúndeı ýaqyt ketedi. Internet, sıgnal berý júıesi, elektr tustama, elektr esepteýish - barlyǵy satyp alynady. Odan basqa, turǵyn úıge japsarlas salynǵan jazǵy dámhana da alynyp tastalady», - dedi ıA. Gırın.

Qazir naqtylanǵan málimet boıynsha órtten barlyǵy 24 páter zardap shekken.

Aıta ketelik, 10 mamyrǵa qaraǵan túni, tańǵy saǵat 04:37-de Abylaı han kóshesi 121 A mekenjaıynda ornalasqan «Korova bar» dámhanasynan órt shyqqan bolatyn. Órt sóndirý barysynda barlyǵy 7 adam qutqarylyp, 120 adam evakýatsııalandy. Olardyń ishinde úsh bala bar. Bir adam ýytty gazǵa ýlaný nyshanymen aýrýhanaǵa jatqyzyldy. Basqalaı zardap shekkender men qurban bolǵandar joq. Tilsiz jaýdy joıýǵa Órt sóndirý qyzmetiniń jeke quramynan 115 adam men 21 arnaıy tehnıka, sondaı-aq, jergilikti polıtsııa qyzmetkerleri, jedel medıtsınalyq járdem dárigerleri, kommýnaldyq qyzmetterdiń qyzmetkerleri jumyldyryldy. Órt tańǵy saǵat 05:52-de aýyzdyqtalyp, 06 saǵat 36 mınýtta tolyǵymen sóndirildi. Órttiń jalpy aýmaǵy - 1100 sharshy metrdi qurady. Sol kúni kúndiz oqıǵa ornynda qala ákimi Baýyrjan Baıbek bolyp, kafeniń menshik ıelerine turǵyn úılerdiń zaqymdalǵan páterlerin úsh kún ishinde qalpyna keltirýdi tapsyrdy.