Almatyda órtten qaza tapqan áıeldiń otbasyna qajetti kómek kórsetiledi
ALMATY. QazAqparat- Almatydaǵy «Aqkent» turǵyn úı keshenindegi alapat órt kezinde qaza tapqan Ásel Bekmuhametovanyń otbasyna otbasyna qajetti kómek kórsetiledi, dep habarlaıdy QazAqparat tilshisi.
Alataý aýdany ákimdiginiń málimetinshe, marqumdy jerleý rásimi Almaty oblysy, Eńbekshiqazaq aýdany, Qarajota aýylynda ótedi. Almaty oblysynyń ákimdigi jerleý rásimin uıymdastyrýǵa, marqumnyń denesin tasymaldaýǵa kómektesetin bolady.
Alataý aýdanynyń ákimdigi marqumnyń otbasyna qajetti moraldyq jáne materıaldyq kómek kórsetedi.
Eske sala keteıik, biz buǵan deıin 16 qabatty úıde órt tutanǵanyn habarlaǵan edik.
Qyzyl jalyn saǵat 18:46 kezinde oqshaýlanyp, sóndirildi.
31 adam, onyń ishinde 16 bala aýrýhanaǵa jetkizilgen bolatyn.
Amaly qalmaǵan turǵyndar balalaryn terezeden laqtyrdy.
Zardap shekkenderdiń ishinde 2 júkti áıel bar.
Keıin Almaty qalalyq densaýlyq saqtaý basqarmasy bir adamnyń qaza tapqanyn habarlady.
Órtten zardap shekken turǵyndar tamaq jáne jatyn orynmen qamtamasyz etildi.
Almaty ákimi órtten azat tapqan áıeldiń otbasyna kóńil aıtty.
