Almatyda órtten 55 jastaǵy azamat qutqaryldy
ALMATY. QazAqparat - Almatyda qutqarýshylar órt shyqqan úıden 55 jastaǵy er adamdy alyp shyqty, dep habarlaıdy QazAqparat tilshisi.
«23 tamyz kúni saǵat 18:38-de «101» pýltine páterdiń jýynatyn bólmesinen órt shyqqany týraly habar tústi. Órt sóndirýshi tehnıka oqıǵa ornyna 18.44-te jetti. Qutqarýshylar pəterdi súzip shyǵyp, qoıý tútin arasynan es-tússiz jatqan adamdy baıqaǵan. Órt sóndirýshiler 55 jastaǵy er kisini kóterip, taza aýaǵa shyǵarǵan. Oǵan ottegi qurylǵysyn kıgizip, medıtsına qyzmetkerlerine tapsyrǵan»,-dedi Almaty TJK resmı ókili Sandýǵash Baımuhambetova.
Belgili bolǵanyndaı, 4 qabatty turǵyn úıdiń joǵarǵy qabatyndaǵy pəterdiń jýynatyn bólmesi órtengen. Órt saǵat 18.46-da sóndirildi. Jalyn 1 sharshy metr aýmaqty sharpyǵan.
