Almatyda órtke oranǵan úıden er adamnyń múrdesi tabyldy
ALMATY. QazAqparat - Almatynyń Naýryzbaı aýdanynda jeke turǵyn úıden órt shyqty, dep habarlaıdy QazAqparat tilshisi qalalyq TJD baspasóz qyzmetine silteme jasap.
Vedomstvonyń habarlaýynsha, órt Tastybulaq yqsham aýdanyndaǵy Jandosov kóshesi 36-shy úıde tutanǵan.
«Jalyn týraly habar 14 aqpan kúni saǵat 07.01-de túsken. Alǵashqy órt sóndirýshiler oqıǵa ornynda 5 mınýttan keıin, 07.06-da boldy. Qutqarýshylar jetken kezde úı jalynǵa oranyp, shatyr jabyndysy jartylaı qulaǵan», - dedi qalalyq TJD ókili Sandýǵash Baımýhambetova.
Tilsiz jaýmen kúres barysynda er adamnyń múrdesi tabyldy. Ot 11 mınýttan soń aýyzdyqtalyp, bir saǵattan keıin tolyǵymen sóndirildi. Jalyn 80 sharshy metr aýmaqty sharpydy.
