Almatyda órtengen úıdiń turǵyny bolǵan jaı týraly aıtyp berdi
ALMATY. QazAqparat - Almatyda órtengen úıdiń turǵyny bolǵan jaı týraly aıtyp berdi, dep habarlaıdy QazAqparat tilshisi.
«Samal-1» shaǵyn aýdanyndaǵy №23 úıde turatyn Sáken Núsirov órt bastalǵan kezde úıinde bolǵan.
Turǵyndardyń aıtýynsha, 6-qabattaǵy №30 páterdiń balkony órtke oranǵanda ol páterde eshkim bolmaǵan. Jyljymaıtyn múlik ıesi páterin táýligine jalǵa beredi eken.
«Estýimshe, plastık órtengen. Kireberiske shyqqan soń, órtti kórip, birden tómen tústim. Kórshilerdiń bári tústi. Podezdegi gıdrant jumys istemeıtindikten órt sóndirýshilerge syrttan baspaldaq qoıyp, shlang tartýǵa týra keldi», - dedi Sáken Núsirov.
Órt 7-qabattaǵy №37 páterdi de sharpyǵan. Bul páterdiń de ishinen kúıik ıisi shyǵady, esigi buzylǵan.
Aıta ketý kerek, órt týraly habarlama búgin saǵat 08:57-de túsken. Medeý aýdany, Samal 1 shaǵyn aýdanyndaǵy 23 úıdiń 6 qabatynda balkon órtke oranǵan. Órt sóndirýshiler kelgende qyzyl jalyn 7-qabattaǵy balkondy sharpı bastaǵan. Órt sóndirýshiler tilsiz jaýdy basqa da balkondarǵa kóshpeı turǵanda aýyzdyqtap úlgerdi. Sondaı-aq, mamandarǵa órt óndirýmen qatar 60 adamdy, onyń ishinde 12 balany qaýipsiz jerge kóshirýge týra keldi.
