Almatyda órtengen páterden er adamnyń denesi tabyldy
ALMATY. QazAqparat - Almatyda kóqabatty úıden órt shyǵyp, bir adam qaıtys boldy. Eki adam ystan ýlanyp aýrýhanaǵa jatqyzyldy, dep habarlaıdy QazAqparat tilshisi.
Qalalyq TJD baspasóz hatshysynyń aıtýynsha, órt Áýezov aýdany Súleımenov 26 A mekenjaıyndaǵy 4 qabatty ǵımarattyń 4-qabatyndaǵy páterden shyqqan.
Órt sóndirýshiler 6 mınýtta jetip, qoıý tútin arasynan órtengen páter ishinen áıel adamdy alyp shyǵyp jedel járdem brıgadasyna tabystady.
Kólikterdiń kóptiginen órt sóndirýshilerge ǵımaratqa avtobaspaldaq ornatý qıynǵa soqty.
Tekserý kezinde er adamnyń múrdesi tabyldy. 20 adam, onyń ishinde 1 bala qaýipsiz jerge shyǵaryldy.
Ystan ýlanǵan eki adam aýrýhanaǵa jetkizildi.
Órt páterdegi turmystyq zattardyń tutanýynan bolǵany anyqtaldy.
Aýmaǵy 15 sharshy metr jerdi sharpyǵan tilsiz jaý 12:15-te sóndirildi.
