Almatyda órtengen páterden 3 adam qutqaryldy
ALMATY. QazAqparat – Almatyda órt sóndirýshiler órtengen páterden 3 adamdy aman alyp shyqty, dep habarlaıdy QazAqparat tilshisi.
Tótenshe jaǵdaılar departamentiniń kezekshi pýltine Medeý aýdanyndaǵy Tólebaev kóshesinde 8 qabatty úıdegi páter órtenip jatqany týraly habarlama kelgen.
Órt sóndirýshiler kelgende 3-shi qabattaǵy páterden qoıý tútin shyǵyp jatqan.
«Astyńǵy qabattyń turǵyndary úılerinen shyǵyp úlgerdi. Órt sóndirýshiler úıge kirgende páterde es-tússiz jatqan er adam tabyldy. Tórgi bólmede matrats órtengen. Qasynda taǵy eki adam mas kúıinde jatqan», - dedi TJD.
49, 33, 52 jastaǵy er adamdar toksıkologııa bólimine jetkizildi. Qazir olardyń jaǵdaıy jaqsy. Órt 18 mınýtta sóndirildi.
TJD almatylyqtarǵa tósekte jatyp temeki shekpeýge keńes beredi.
