Almatyda órtengen páter ishinde qalyp qoıǵan úı ıesi qutqaryldy
ALMATY. QazAqparat - Almatyda órtenip jatqan úıden bir adam qutqaryldy, dep habarlaıdy QazAqparat tilshisi.
Qalalyq TJD baspasóz qyzmetiniń habarlaýynsha, Jetisý aýdany, Aınabulaq shaǵynaýdanyndaǵy №83 úıdiń órtenip jatqany týraly habarlama búgin 16:30-da túsken.
Alǵashqy órt sóndirý jasaǵy oqıǵa ornynda 17:02-de bolǵan.
«Olar kelgende syrtqy esik ishten jabýly bolǵan. Páter qatty tútindep turdy. Órtengen páterde úı ıesi qamalyp qalǵan. Gaz ben tútinnen qorǵaý qyzmetiniń mamandary 49 jastaǵy er adamdy vannada esinen tanyp jatqan jerinen taýyp alǵan. Zardap shekken adamnyń basyna ottegi maskasyn kıgizgen. Syrtqa alyp shyǵyp, jedel járdemge tabystadyq. Órt sóndirý kezinde 15 adam qaýipsiz jerge kóshirildi», - dedi TJD resmı ókili Sandýǵash Baımuhambetova.
Belgili bolǵandaı, 5-qabattaǵy páterde turmystyq zattar órtene bastaǵan.
Tilsiz jaý 17:17-de aýyzdyqtalyp, 17:30-da tolyq sóndirildi.
Órt 12 sharshy metr aýmaqty sharpydy.
