Almatyda órtengen avtobýstyń júrgizýshisiniń qoly kúıip qaldy
ALMATY. QazAqparat – Almatyda otqa oranǵan jolaýshylar avtobýsy júrgizýshisiniń qoly kúıip qaldy, dep habarlaıdy QazAqparat tilshisi.
«4 maýsym kúni Almaty qalasynyń TJD «101» pýltine kýágerden avtobýs órtengeni týraly habarlama tústi. Avtobýstyń ishinde adam bolmaǵan. Mototsıkletti ekıpaj oqıǵa ornyna 5 mınýttyń ishinde jettti. Olar 2014 jyly shyqqan «Yutong» markaly avtobýstyń ashyq jalynmen janyp jatqanyn habarlady. Tilsiz jaý jarnama taqtasyna jaıylyp úlgergen. Avtobýs gazben júredi. Órtti sóndirý úshin jedel túrde kóbik shashylyp, sondaı-aq jaqyn ornalasqan ǵımarattardy qorǵap, salqyndatý úshin órt oqpandary qoldanyldy» dep habarlady TJD.
Shuǵyl qoldanylǵan sharalardyń arqasynda jalyn 8 mınýttyń ishinde aýyzdyqtalyp, 15:07-de tolyq sóndirildi.
Avtobýs júrgizýshisiniń oń qoly kúıip qaldy. Ol aýrýhanaǵa jatýdan bas tartty.
Otty sóndirge jeke quramnan 12 adam, 2 órt tsısternasy jáne 2 mototsıkletti ekıpaj jumyldyrylǵan.
Eske salaıyq, buǵan deıin Almatyda jolaýshylar avtobýsy órtenip jatqanyn jazǵan bolatynbyz.
