Almatyda órtengen avtobýs: Avtopark oqıǵaǵa qatysty aqparat taratty
ALMATY. QazAqparat – Almatyda órtengen №32 baǵyttaǵy jolaýshylar avtobýsy týraly «AlmatyElektroTrans» JShS tolyq aqparat berdi, dep habarlaıdy QazAqparat tilshisi.
«Yutong» markaly №32 baǵyttaǵy avtobýs Qytaı elinde qurastyrylǵan, 2014 jyly qoldanysqa berildi. Búgingi tótenshe jaǵdaıǵa deıin qoǵamdyq kólik qanaǵattanarlyq jaǵdaıda júrip turǵan», – dep habarlady «AlmatyElektroTrans» seriktestigi.
Tańerteń tártip boıynsha avtobýsty park mehanıgi tehnıkalyq tekserýden ótkizdi. Sodan keıin qoǵamdyq kólik keste boıynsha jolǵa shyǵý úshin sońǵy aıaldamaǵa ketken.
«Ál-Farabı dańǵylynda, Jarokov pen Vodozabornaıa kósheleriniń qıylysynda qoǵamdyq kóliktiń «chek» maıy tutanǵan. Júrgizýshi mán-jaıdy anyqtaý úshin avtobýsty toqtatyp, teksermek bolǵan. Sol kezde órt órshı túsken. Sosyn órt sóndirýshilerdi shaqyrǵan»,– dep qosty vedomstva.
Órt sóndirýshiler kelgenshe, júrgizýshi qyzyl jalyndy óz betinshe sóndirýge kirisken. Ol bes órt sóndirý qurylǵysyn qoldanǵan. Qoǵamdyq kólikte jolaýshylar bolǵan joq. Qazir órttiń shyǵý sebepteri anyqtalýda.
Qoǵamdyq kólik tolyqtaı órtenip ketti. Jaramsyz, tek qańqasy qaldy.
