Almatyda «Orteke-2012» halyqaralyq dástúrli qýyrshaq óneri festıvali ótedi - jeńimpazǵa 1 mln. teńge
ALMATY. 4 qarasha. QazAqparat - Almatyda qarashanyń 5-inen 9-yna deıin «Orteke-2012» halyqaralyq dástúrli qýyrshaq óneri festıvali ótedi,
dep habarlaıdy QazTAG qala ákimdiginiń baspasóz qyzmetine silteme jasap.
«Festıvaldiń negizgi mıssııasy - Orteke degen qazaqtyń ulttyq ónerin halyq arasynda nasıhattaý, sondaı-aq, qazaqstandyq kórermenderdiń estetıkalyq talǵamyn tárbıeleý jáne álemdi kórkemdik tanýyn keńeıtý. Festıval aıasynda«Úzdik oryndaýshy» jáne«Úzdik sheber» nomınatsııalarynda1 000 000 teńge kóleminde gran-prı syılyqtary tabys etiledi», delingen taratylǵan aqparatta.
Respýblıkalyq baıqaýǵa 40-tan asa qazaqstandyq oryndaýshy men qýyrshaq sheberleri óz týyndylaryn usynady.
Jumystar men oryndaý qazaq halqy mádenıetiniń dástúrlerine sáıkestigi boıynsha qaralyp, qazylar alqasy oryndaýdyń kompozıtsııasy, sapasy, tehnıkalyq jáne kórkemdik deńgeıi boıynsha baǵalaıdy.
Budan basqa, shara aıasynda «Dástúrli qýyrshaq óneri keńistik pen ýaqyt ishinde» ǵylymı-tájirıbelik konferentsııasy ótip, oǵan Qazaqstan, Reseı, AQSh, Estonııa, Tájikstan jáne Egıpet ǵalymdary qatysady.
Sondaı-aq, festıval qonaqtary aýrýhanalarda, balalar úılerinde, ońaltý ortalyqtarynda qaıyrymdylyq maqsatta óner kórsetedi.
Sharalar A.V.Seleznev atyndaǵy Almaty horeografııalyq ýchılışesiniń jáne Qurmanǵazy atyndaǵy QazMemAkadem orkestriniń zaldarynda ótedi.
