Almatyda ortalyqtan jylý taratý qubyry jóndeldi
ASTANA. 26 aqpan. QazAqparat - Almatyda jarylǵan ortalyqtan jylý taratý qubyry jóndelip, úılerge jylý berildi,
dep habarlady QR TJM baspasóz qyzmetinen.
Esterińizge sala keteıik, 24 aqpanda, keshki saǵat 8-de Almaty qalasynda ortalyqtan jylý taratý qubyrynyń jarylýy saldarynan 122 kóppáterli jáne 10 jer úı, 25 ákimshilik ǵımarat, sonyń ishinde №152 balabaqsha men №73, 93-shi mektepter, sondaı-aq Aımanov, Tımırıazev, Gagarın, Ótepov, Rozybakıev pen Jandosov kósheleriniń turǵyndary jylýsyz qaldy.
Qubyrdyń jarylý dıametri 400 mm-di qurady. Tótenshe jaǵdaıdy joıýǵa «Almaty jylý júıeleri» AQ-nyń 29 adamy men 10 tehnıkasy, «APK»-nyń 4 adamy men 1 tehnıkasy, «Qazaqtelekom» AQ-nyń 2 adamy men 1 tehnıkasy, QR TJM Almaty qalasy boıynsha Tótenshe jaǵdaılar departamentiniń 6 adamy men 1 tehnıkasy jumyldyryldy.
