Almatyda ortalyq referans -zerthanasynyń qurylysy bastaldy

dep habarlaıdy QazAqparat.

Ortalyq Azııada balamasy joq zerthananyń qurylysyn AQSh-tyń Qorǵanys mınıstrligi qarjylandyrady. 2012 jyly iske qosylady dep josparlanǵan qurylys ıadrolyq synaq syndy apattardyń saldarynan týyndaıtyn ınfektsııalyq aýrýlardy anyqtaý, olarǵa qarsy vaktsınalardy jasaý, sondaı-aq asa qaýipti ınfektsııalardyń shtammdaryn saqtaý baǵytynda jumys isteıtin bolady. Qurylystyń bastalýyna qatysqan QR Densaýlyq saqtaý mınıstri Jaqsylyq Dosqalıevtiń aıtýynsha, zerthananyń Qazaqstan ǵana emes, búkil Ortalyq Azııada strategııalyq mańyzy zor. Óıtkeni, bundaı zamanýı keshen elimiz ben Ortalyq Azııada tuńǵysh ret salynǵaly otyr. «Zerthana ǵylymı jáne oqý-tanymdyq baǵytta jumys isteıdi», dedi Jaqsylyq Dosqalıev.

Qurylystyń bastalý sharasyna AQSh-tyń Qazaqstandaǵy elshisi Rıchard Hoýgland, Almaty qalasynyń ákimi Ahmetjan Esimov qatysty. AQSh Elshisi óz sózinde zerthananyń qazaqstandyq ǵalymdarǵa úlken múmkindik beretinin atap ótti. Sondaı-aq AQSh Elshisi KSRO kezinen Qazaqstanda ornalasqan synaq oryndarynda ıadrolyq, hımııalyq, bıologııalyq qarýlardyń shtammadry qalǵandyǵyn, bul bolashaqqa úlken qaýip tóndirýi múmkindigin, búgingi salynatyn zerthana osynyń aldyn alýǵa qaýqary barlyǵyn aıtty.