Almatyda ortalyq muraǵattyń jańa ǵımaraty paıdalanýǵa berildi
ALMATY. 28 jeltoqsan. QazAqparat /Názıra Eleýhan/ - Almaty qalasynyń ákimi Ahmetjan Esimov 5 mıllıonnan astam qujatty saqtaıtyn qalalyq ortalyq muraǵattyń jańa ǵımaratynda boldy.
Jańa ǵımaratta 200 oryndy konferents zal, kompıýter zaldary, ǵylymı- anyqtama kitaphanasy, kelýshilerge arnalǵan jumys isteý oryndary bar. Qundy qujattar saqtalatyn jańa muraǵat ǵımaratynda ákimshilik keńseler, aýdandyq muraǵattardyń jumysyna baqylaý men basshylyq jasaıtyn Almaty qalasynyń Muraǵat basqarmasy da ornalasatyn bolady. Munda sondaı-aq qundy qujattarmen qatar, aýdıo jáne fotoqujattar saqtalatyn bolady.
Jańa ǵımaratty aralap kórgen qala ákimi Ahmetjan Esimov mundaı nysannyń respýblıkada joq ekendigin atap ótip, «buryndary muraǵat qyzmetkerleriniń dál qazirgideı zaman talabyna saı ǵımaraty bolǵan emes. Bul nysandy tolyq qýatynda paıdalaný óte mańyzdy. Qundy qujattardy elektrondy nusqaǵa kóshirý jumystaryn myqtap qolǵa alǵan jón. Sonymen qatar, kommertsııalyq negizde ózge de mekemeler men vedomostvolardyń qujattaryn saqtaýdy oılastyrǵan abzal», - dedi.
