Almatyda Ortalyq qalalyq klınıkalyq aýrýhananyń 10 dárigeri saýyǵyp, úılerine qaıtty
ALMATY. QazAqparat – Almatyda kornovırýs juqtyrǵandardyń sany 1140 – qa jetti. Bul týraly qalalyq Qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
«30 sáýir kúni - 114, búgin 89 jaǵdaı tirkeldi. Olardyń 16 - sy provızorlyq statsıonardaǵy adamdarmen baılanysta bolǵandar, 4-ýi Máskeý-Aqtóbe-Almaty reısimen ushyp kelgender, olar birden statsıonardaǵy karantınge jatqylǵan bolatyn. Qalǵandary testileý nátıjesi arqyly anyqtaldy. Olarmen baılanysta bolǵan barlyq adamdar tabyldy jáne provızorlyq gospıtaldarǵa karantınge ornalastyryldy» – dep habarlady Densaýlyq saqtaý basqarmasy.
Basqarmanyń málimetinshe, ınfektsııalyq statsıonarlarda 1015 adam em qabyldap jatyr, onyń 39-y bala.
Eki adamnyń densaýlyq jaǵdaı óte aýyr, 27 adamdyki - aýyr, 208 adamda ortasha dárejede, qalǵandarynyń densaýlyǵy qanaǵattanarlyq.
Provızorlyq gospıtaldarda - 395 adam, karantındik oqshaýlaýda –366, úıde –11846 adam bar.
«Ótken táýlikterde Almatyda 15 naýqas koronavırýstyq ınfektsııadan saýyǵyp, úılerine shyǵaryldy. Onyń ishinde Ortalyq qalalyq klınıkalyq aýrýhananyń 10 medıtsına qyzmetkeri, tórteýi Balalar klınıkalyq juqpaly aýrýlar aýrýhanasynyń qyzmetkerleri jáne bir áıel vırýs buryn anyqtalǵan naýqaspen baılanysta bolǵan 1964 jyly týǵan patsıent. Ol 2 sáýirden bastap emdeýde bolǵan. Qalǵan patsıentterdi emdeý sharasy orta eseppen 16-18 kúnge sozyldy»,-dep tolyqtyrdy basqarmadan.
