Almatyda Ortalyq Azııalyq dástúrli halyqaralyq telekommýnıkatsııa kórmesi ashyldy
ALMATY. Mamyrdyń 25-i. QazAqparat /Erlik Erjanuly/ - Bul belgili bir salaǵa ǵana emes búkil qoǵam úshin óte qajetti kórme. Ony Aqparat jáne baılanys mınıstri búgin Almatyda ótip jatqan Telekommýnıkatsııa jáne kompıýterlik tehnologııa. Teleradıohabarlaryn taratý jáne keń jolaqty baılanys. Baǵdarlamalyq qamtamasyz etý jáne avtomattandyrý. Banktik tehnologııalar, qural-jabdyq pen qyzmet" dep atalatyn XVII Ortalyq Azııalyq halyqaralyq kórmege qatysýshylarǵa joldaǵan quttyqtaýynda aıtty,
dep habarlaıdy QazAqparat.
Aqparat jáne baılanys mınıstriniń quttyqtaýyn kórmeniń ashylý rásiminde "Zerde" ulttyq aqparattyq kommýnıkatsııalyq holdıngi" AQ-nyń Basqarma tóraǵasy Ádilbek Sarsenov oqyp berdi. Onda Asqar Jumaǵalıev kórmeniń qoǵamdaǵy róline joǵary baǵa berdi. "Qazirgi tańda tehnologııa bizdiń ómirimizdiń bólinbes bólshegine aınaldy. Jyl saıyn ol qoǵamnyń barlyq salasyna dendep enip kele jatyr. Bul - qazirgi zamanǵy aǵym", deıdi mınıstr A. Jumaǵalıev.
Iteka kórme kompanııasynyń jyl saıyn ótetin dástúrli bul kórmesine bıyl 13 elden 60 kompanııa qatysyp otyr. Uıymdastyrýshylardyń aıtýynsha, bul joly ol jańa pishinde ótýde. Úsh kúnge sozylatyn kórme baǵdarlamasynda "SES-KITEL2010" aqparatyq tehnologııalar konferentsııasy jáne túrli taqyryptaǵy semınar-keńester josarlanyp otyr.
