Almatyda «Ortalyq Azııadaǵy jeńil jáne atys qarýynyń zańsyz aınalymymen kúres» taqyrybynda semınar ótedi
ASTANA. Qyrkúıektiń 13-i. QazAqparat /Ernur Aqanbaı/ - Qyrkúıektiń 16-17-si kúnderi Almatyda «Ortalyq Azııadaǵy jeńil jáne atys qarýynyń zańsyz aınalymymen kúres» taqyrybynda semınar ótedi. Sharany QR Qorǵanys mınıstrligi EQYU-nyń áskerı-saıası ólshemi mindetterin iske asyrý jónindegi is-sharalar josparyna sáıkes jáne EQYU-nyń Astanadaǵy ortalyǵymen birlesip ótkizgeli otyr.
Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov aıtty.
Onyń aıtýynsha, semınar barysynda jeńil jáne atys qarýyn ımporttaý, eksporttaý, deldaldyq qyzmet, tańbalaý jáne baqylaýdyń halyqaralyq standarttary máseleleri qarastyrylady. Atalmysh basqosýǵa Ortalyq Azııa memleketteriniń, EQYU-nyń qaqtyǵystardy boldyrmaý ortalyǵynyń, BUU-nyń Qarýsyzdaný jónindegi basqarmasynyń, Jenevanyń jeńil jáne atys qarýy máselelerin ǵylymı zerteý ınstıtýtynyń, jeńil jáne atys qarýyn baqylaý salasyndaǵy belsendilik tanytyp júrgen basqa da halyqaralyq uıymdardyń ókilderi shaqyrylǵan. Semınar jumysyna Qazaqstannyń Qorǵanys, Іshki ister, Tótenshe jaǵdaılar mınıstrlikteriniń, Ulttyq qaýipsizdik komıteti men Kedendik baqylaý komıtetiniń ókilderi qatysady.
