Almatyda Ortalyq Azııadaǵy saqtandyrý týraly IV halyqaralyq konferentsııa ótip jatyr
ALMATY. Naýryzdyń 18-i. QazAqparat /Erlik Erjanuly/ - Ótken 2 jyldyń ishinde saqtandyrý naryǵy daǵdarystyń ishki jáne syrtqy áserine tótep bere aldy.
Bul týraly búgin Almatyda ótip jatqan Ortalyq Azııadaǵy saqtandyrý týraly IV halyqaralyq konferentsııada aıtyldy, dep habarlaıdy QazAqparat.
Ony QR Qarjy naryǵy men qarjy uıymdaryn retteý jáne qadaǵalaý agenttigi men Qazaqstan qarjygerler qaýymdastyǵynyń qoldaýymen InterConsult kompanııasy uıymdastyrǵan bolatyn. Eki kúnge sozylatyn konferentsııa jumysy - «Saqtandyrý naryǵyn damytý men retteýdegi ádister jáne aǵymdar», «Ulttyq naryqtardyń ózara árekettestigi», «Іri táýekelder/ qaıta saqtandyrý», «Saqtandyrýdyń buqaralyq túrlerin saqtandyrý. Erikti jeke saqtandyrý», «Saqtandyrý ınfraqurylymy», «Mindetti saqtandyrýdyń perspektıvalary men problemalary» degen sektsııalar boıynsha júrgizilmek.
«Ótken 2 jyl el ekonomıkasy men qarjy sektory úshin óte kúrdeli boldy. Biz unamsyz aǵymdardy kórdik. Ekonomıka men qarjy sektorynyń damýy baıaýlady. Tek saqtandyrý naryǵy ǵana bizdiń paıymdaýymyzsha, ishki jáne syrtqy áserlerge tıimdi tótep bere aldy. Aktıvterdiń ósim kórsetkishi boldy», deıdi Qazaqstan qarjygerler qaýymdastyǵy Keńesiniń tóraǵasy Serik Ahanov.
