Almatyda Ortalyq Azııadaǵy postkeńestik yqpaldastyq máseleleri talqylandy
ALMATY. Qyrkúıektiń 13-i. QazAqparat /Erbol Turymbetov/ - Búgin Almatyda birqatar qoǵamdyq uıym ókilderi «Ortalyq Azııadaǵy postkeńestik yqpaldastyq» máselelerine baılanysty baspasóz máslıhatyn ótkizdi,
dep habarlaıdy QazAqparat.
Oǵan - Qoǵamdyq máselelerdi taldaý ortalyǵynan Qanat Berentaev, Saıası sheshimder ınstıtýtynan Rýstam Býrnashev, Novosibir memlekettik ýnıversıtetinen Vladımır Plastýn jáne Máskeý eksperımentaldyq shyǵarmashylyq ortalyǵynan Andranık Derenıkıan qatysty. Basqosýda Qazaqstannyń Ortalyq Azııadaǵy saıası-ekonomıkalyq turǵydaǵy jetekshi elge aınalyp otyrǵandyǵy sóz boldy.
«Ortalyq Azııadaǵy saıası ahýal turaqty bolǵanymen, qaýipti qylmystyq toptar áli de seıile qoımady. AQSh Aýǵanstandy tálibterden tazartty. Degenmen, áskerlerin tolyq shyǵarmaýy - qaýiptiń áli de joıylmaǵanyn aıǵaqtaıdy. Bul turǵyda Qazaqstan Ortalyq Azııadaǵy saıası turaqtylyqty saqtaý úshin EQYU-nyń tóraǵasy retinde jetekshi memleketke aınalýǵa tıis», dedi Novosibir memlekettik ýnıversıtetinen Vladımır Plastýn.
Budan buryn qyrkúıektiń 10-11-i aralyǵynda Ystyqkólde «Postkeńestik yqpaldastyqtaǵy Ortalyq Azııa» atty halyqaralyq konferentsııa ótken edi. Onda aımaq elderindegi yqpaldastyq múmkindikteri jan-jaqty talqylanǵan bolatyn.
