Almatyda Ortalyq Azııadaǵy eń iri jańa fırmalyq dúken ashyldy
ALMATY. 7 naýryz. QazAqparat - Almatyda Vestel kompanııasy Ortalyq Azııadaǵy eń iri fırmalyq dúkenin ashty. Dúkenniń ashylý rásimine Eýropadan arnaıy kelgen Vestel kompanııasynyń prezıdenti Eren Ataman qatysty.
«Bul bizdiń Qazaqstanda ashyp otyrǵan alǵashqy iri fırmalyq dúkenimiz. Ony ashýdaǵy maqsatymyz - Vestel taýarlaryn qazaqstandyq tutynýshylarǵa usyný. Biz Qazaqstandy bolashaǵy zor, ekonomıkasy turaqty damyǵan el dep bilemiz. Buǵan deıin bizdiń ónimderimiz turmystyq tehnıka satylatyn barlyq dúkenderde usynylyp keldi. Endi tutynýshylar Vestel-diń barlyq ónimderin bir dúkennen taba alatyn bolady. Bul dúkenniń ashylýy biz úshin úlken mańyzǵa ıe»,-dedi sharanyń ashylý saltanatynda Vestel kompanııasynyń prezıdenti Eren Ataman.
Onyń aıtýynsha, Vestel kompanııasynyń jylyna shyǵaratyn 20 mıllıonǵa jýyq óniminiń 15 mıllıony Eýropa men TMD elderine usynylyp keledi.
Jańadan ashylǵan Vestel-diń dúkeniniń kólemi 1 300 sharshy metr. Fırmalyq dúken almatylyqtarǵa júzden asa ónimderdi, úlken tońazytqyshtardan bastap usaq turmystyq tehnıkalardy usynbaq. Dúkende tutynýshylarǵa jaqsy tanys Vestel-diń turmystyq tehnıkalarynan ózge, alýan túrli ónimderi: mobıldi telefondar men fotoapparattardan bastap úıge qajetti usaq-túıek zattar usynylǵan.
Kompanııa Halyqaralyq Áıelder kúnine oraı taýarlarǵa tómen baǵa jarııalady. Jeńildik aktsııasy 8 naýryzǵa deıin jalǵasady. Satyp alýshylar bul kúnderi syılyqtarmen qatar, utys oıynyna qatysýǵa múmkindik alyp, utysqa qoıylǵan úsh jıyntyqtyń birin jeńip ala alady. Jıyntyqqa tońazytqysh, as plıtasy, kir jýǵysh mashına turmystyq tehnıkalary kirgen.
