Almatyda Ortalyq Azııadaǵy eń iri sán aptalyǵy bastalady
ALMATY. Qazannyń 29-y. QazAqparat /Názıra Eleýhan/ - Almatyda qazaqstandyq jáne shet el dızaınerleriniń jańa sán úlgisindegi «Kóktem-jaz 2010» maýsymdyq kollektsııalarynyń kórsetilimderi bastalady. Bul týraly búgin «Kazakhstan Fashion Week»(KFW) jyl saıynǵy ulttyq jobanyń uıymdastyrýshylary, ashylý rásimine arnalǵan baspasóz májilisinde málim etti,
dep habarlaıdy QazAqparat.
«Sán aptalyǵynda dástúr boıynsha iri álemdik sán aptalyǵyn uıymdastyrýshylardyń qatysýymen shoý-rým, avte-patı keshteri, sheberlik dárister uıymdastyrylatyn bolady. Bıylǵy joba - ótken jylǵy kórsetilimge qaraǵanda, qazaqstandyq qatysýshylardyń jumystarynyń kórsetý basymdylyǵymen ǵana emes, mazmundy da, sapaly, joǵary deńgeıde ótetinimen erekshe bolady», deıdi Kazakhstan Fashion Week ulttyq jobasynyń Bas dırektory ári prodıýsseri Saıat Dosybaev.
«Four Season Group» pret-a-porteniń uıymdastyrýymen ótetin sán aptalyq bıyl «Qazaqstan» qonaq úıinde ótedi. Dástúrge aınalǵan sharaǵa Reseı, Grýzııa jáne elimizdiń tanymal dızaınerleri, sonymen qatar shet elderde tanymal bolyp úlgergen jas dızaınerler de qatysady. Búgin Almatyǵa Reseı men Grýzııa elderinen arnaıy qonaq retinde shaqyrylǵan kıim úlgilerin jasaýshy dızaınerler Leonıd Alekseev, Ketı Chhıkvadze, Avtandıl Tskvıtınıdzeler kelip te qoıdy.
