Almatyda Ortalyq Azııadaǵy eń iri sán aptalyǵy ashylady
ATY. Qazannyń 27-si. QazAqparat /Názıra Eleýhan/- Almatyda qarashanyń 28-i kúni «Four Season Group» pret-a-porteniń uıymdastyrýymen "Qazaqstan" qonaqúıinde qazaqstandyq jáne shet el dızaınerleriniń jańa sán úlgisindegi «Kóktem-jaz - 2010» maýsymdyq jıyntyqtarynyń kórsetilimderi ashylady.
Kórsetilimder úsh kún ótedi. Bul týraly «Kazakhstan Fashion Week»(KFW) jyl saıynǵy ulttyq jobanyń uıymdastyrýshylary, ashylý rásimine arnalǵan baspasóz máslıhatynda málim etti.
«Dástúr boıynsha Ortalyq Azııadaǵy eń iri sán aptalyǵynda shoý-rým, avte-patı keshteri, sheberlik dárister jáne árıne BAQ-na arnalǵan baspasóz máslıhattary uıymdastyrylatyn bolady. Bunymen qatar, dızaınerlermen uıymdastyrýshylar halyqaralyq "Eurasian PR-event 2010" forýmyna qatysady, onda Qazaqstan naryǵynda otandyq brendterdi damytý múmkindikteri qaralyp, talqylanady. Bıylǵy joba da jyldaǵydaı joǵary deńgeıde ótetinimen erekshe bolady dep senemin», - dedi Kazakhstan Fashion Week ulttyq jobasynyń Bas dırektory, ári prodıýsseri Saıat Dosybaev.
Onyń aıtýynsha, bul shara dızaınerlerdiń usynǵan jıyntyqtarynan unatqan úlgilerin tańdap alýǵa múmkindik berip qana qoımaı, bıyl birinshi ret ótkiziletin "Armanǵa jol" aktsııasy jetim balalarǵa kómek kórsetýge múmkindik bermek. "Aptalyq sońynda satylymǵa qoıylatyn kıimderden túsken qarajattar "Baýyrjan" qoryna aýdarylatyn bolady", dep atap ótti ol.
Onyń aıtýynsha, atalmysh aptalyqqa shet eldiń tanymal dızaınerleri - Túrik elinen Zeınep Erdogan, Ýkraınadan Oleg Skırda, Grýzııadan dástúrli qonaq Ketı Chhıkvadze, Italııanyń "Extyn" sán úıi jáne elimizge tanymal otandyq dızaınerler qatysyp, ózderiniń sándik kıim úlgilerin el nazaryna usynbaq.
Sán aptalyǵyna dástúrli túrde qatysatyn qazaqstandyq dızaınerler - Aıda Qaýmenova, Quralaı Nurqadilova, Aıgúl Qasymova, Saltanat Baımuhamedova, Jadyra Sahıeva, Larııa Jaqambaevamen qatar, bıylǵy maýsymǵa Kamılla Kýrbanı, Mıhaıl Kravets jáne "SofiAnn" markasyn usynatyn Sofııa men Anna esimdi dızaınerler qatysady.
Shara barysynda jýrnalısterge, sýretke túsirýshiler men operatorlarǵa arnalǵan túrli sharalar men baıqaýlar ótkizilmek.
