Almatyda «Ortalyq Azııa: jańa tarıhtyń 20 jyly» degen taqyrypta Qazaqstan-Reseı semınary ótip jatyr
ALMATY. 18 naýryz. QazAqparat /Erlik Erjanuly/ - Almatyda "Ortalyq Azııa: jańa tarıhtyń 20 jyly" degen taqyrypta Qazaqstan-Reseı sarapshylar keńesiniń (QRSK) semınary ótip jatyr.
Keńestiń teń tóraǵasy, QR Prezıdenti janyndaǵy Qazaqstannyń strategııalyq zertteýler ınstıtýtynyń dırektory Bolat Sultanovtyń aıtýynsha, bul QRSK-tiń 3-otyrysy. Onyń alǵashqysy jeltoqsanda Almatyda, al ekinshisi aqpanda Máskeýde ótken bolatyn.
"Ortalyq Azııa taqyryby qazir zor qyzyǵýshylyq týdyryp otyr. Oǵan aımaqtyq geosaıası jáne geostragııalyq ornalasýy bir jaǵynan, al álemniń ózge tarapyndaǵy ahýal ekinshi jaǵynan yqpal etýde. Japonııa AES-daǵy apattan keıin munaı, gaz jáne kómirge degen suranys kúrt ósti. Ortalyq Azııa Eýropa men Azııanyń arasyndaǵy kólik dálizi bolyp otyr. Sondaı-aq esirtki dálizi de osy óńirde", - deıdi Bolat Qylyshbaıuly. Saıasattanýshy ǵalymnyń paıymdaýynsha, Ortalyq Azııadaǵy eń negizgi máselelerdiń biri radıkaldy ıslam uıymdary belsendiginiń artýy bolyp otyr. Buǵan aımaqtaǵy Qazaqstannan ózge elderdegi áleýmettik-ekonomıkalyq ahýaldyń nasharlaýy túrtki bolýda.
