Almatyda Ortalyq Azııa sarapshylary týberkýlezdi transshekaralyq baqylaý jáne emdeý máselelerin talqylady
Shara barysynda sarapshylar elaralyq jumys toptarynyń usynystaryn eskere otyryp, Ortalyq Azııa óńirinde týberkýlezdi transshekaralyq baqylaý, aldyn alý jáne emdeý jónindegi yntymaqtastyq týraly Elaralyq shektelmeli kelisiminiń jańartylǵan jobasyn talqylady, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.
Sharaǵa densaýlyq saqtaý jáne kóshi-qon máselelerimen shuǵyldanatyn Qazaqstan, Qyrǵyzstan, Tájikstan mınıstrlikteri men vedomstvolarynyń, sonymen birge, Dúnıejúzilik densaýlyq saqtaý uıymynyń (DDSU), Kóshi-qon halyqaralyq uıymynyń, Halyqaralyq Qyzyl krest jáne Qyzyl jarty aı Qoǵamdary Federatsııasynyń, ulttyq týberkýlezge qarsy ortalyqtarynyń jáne ÚEU ókilderi qatysty.
Otyrysta Elaralyq kelisimdi ázirleý boıynsha Jol kartasyn iske asyrý sheńberinde 2016 jylǵy birinshi jartyjyldyqta qarastyrylǵan is-sharalardy oryndaý jóninde aqparat usynyldy. Týberkýlezdi transshekaralyq baqylaý jáne emdeý jobasyna azamattyq qoǵamnyń jáne ÚEU ókilderin tartý, elder arasynda týberkýlezge shaldyqqan aýrýlar, mıgranttardy dıagnostıkalaý jáne emdeý týraly aqparatpen almasý máseleri talqylandy.
Esterińizge sala keteıik, jumys toptarynyń aımaqtyq otyrystaryn Qazaqstan Respýblıkasynyń 2014-2020 jyldarǵa arnalǵan týberkýlezdi baqylaý boıynsha keshendik josparynyń aıasynda QR Densaýlyq saqtaý jáne áleýmettik damý mınıstrligi jáne Project HOPE úkimettik emes uıymy ótkizip keledi. Birinshi otyrys 2016 jyldyń sáýir aıynda ótti.