Almatyda Ortalyq-Azııa SAP 2009 sammıti ótti
ALMATY. Qazannyń 23-i. QazAqparat /Ádilet Musahaev/ - Almatyda Ortalyq-Azııa SAP 2009 sammıti ótti, oǵan Qazaqstan jáne TMD elderinen 500-ge jýyq iri kompanııalar basshylary qatysty,
dep habarlaıdy QazAqparat.
SAP kompanııasy bıznesti basqarý baǵdarlamalaryn jabdyqtaýda álem boıynsha jetekshi oryn alady. Atalmysh kompanııanyń 120-dan astam elde 89 myńdaı tutynýshylary bar.
Jyl saıyn ótetin sammıt bul joly «Jańa álemge aıqyn jaqyndylyq» taqyrybyn arqaý etti. Shara barysynda Qazaqstan ekonomıkasy ósý qarqynynyń báseńsýi jáne DSO-ǵa tezirek kirý úshin aıqyn bıznesti júrgizýde ınvestorlarǵa jasalatyn qatań talaptar men qazirgi ekonomıkanyń ózgermeli jaı-kúıi qamtyldy. Sondaı-aq SAP kompanııasy sarapshylary men olardyń tutynýshylary tájirıbelik tujyrymdarmen jáne ekonomıkalyq jetistikteriniń nátıjesimen bólisti.
Jıyn barysynda qazaqstandyq bıznes-uıymdarǵa 1-shi qazan kúni jumysyna kirisken SAP-tyń TMD boıynsha bas dırektory Vladıslav Martynov tanystyryldy.
Sammıtke ártúrli saladaǵy ekonmıkalyq jetistikke jetken SAP-tyń tutynýshylary qatysty. Atap aıtsaq «Kazahtelekom», PetroQazaqstan kompanııasy, «GELIOS» JShS-i, «QazMunaıGaz», KFK «Medservıs Plıýs», «Hımfarm» AQ-y, «Eır Astana», AQ-y «Alıans Bank», Qazaqstan halyq banki, sonymen qatar «Natsıonalnye Kabelnye Setı» AAQ-y (Reseı), Ýkraına Ulttyq banki, (Ýkraına) «Metınvest Holdıng» (Ýkraına) jáne t.b.
