Almatyda «Ortalyq Azııa men Reseıdegi BAQ-tarda eńbek mıgranttary taqyrybynyń kórinisi» atty semınar-trenıng ótti
ALMATY. 10 jeltoqsan. QazAqparat /Ádilet Musahaev/ - Aǵymdaǵy jyldyń 8-9 jeltoqsanynda BUU-nyń Áıelderdiń damý qory (ıÝNIFEM) men Halyqaralyq eńbek uıymy Almaty qalasynda «Ortalyq Azııa men Reseıdegi BAQ-tarda eńbek mıgranttary taqyrybynyń kórinisi» atty semınar-trenıng ótkizdi.
ıÝNIFEM baǵdarlamasynyń ulttyq úılestirýshisi, ekonomıka ǵylymdarynyń kandıdaty Álııa Іlııasovanyń aıtýynsha, joba Ortalyq Azııadaǵy kedeıshilik deńgeıin tómendetip, eńbek mıgranttary tóńireginde týyndaıtyn ózekti máselelerdi birige sheshýdi kózdeıdi. "Baǵdarlama eńbek mıgranttarynyń quqyǵyn qorǵap, olardyń áleýmettik-ekonomıkalyq jaǵdaıyn jaqsartýǵa baǵyttalǵan. Osy jobalardyń nátıjesinde BAQ ókilderi eńbek mıgranttarynyń hal-aqýalymen jaqyn tanysyp, olar jaıynda kóptegen maǵlumat ala otyryp qoǵamǵa jaǵymdy pikir qalyptastyrady dep oılaımyz", -deıdi Á.Іlııasova.
Reseıdegi Kginfo.ru aqparattyq saıtynyń Bas redaktory Asylbek Egemberdıev Máskeýde 100 myńǵa jýyq eńbek mıgranty bar ekendigin aıtady. «Dúnıejúzilik ekonomıkalyq daǵdarysqa deıin reseıde júrgen qyrǵyz azamattary kóbinese qurylys nysandarynda jumys istese, qazirgi ýaqytta ártúrli turmystyq jumystardy atqarýda», -deıdi ol.
Reseıdegi eńbek mıgranttarynyń áleýmettik jaǵdaıy kóbinde azamattyq alǵannan keıin jaqsara túsedi eken. 2007 jyldan beri 350 myń qyrǵyzstandyq reseı azamattyǵyn alǵan.
Reseılik www.cogita.ru aqparattyq agenttiginiń tilshisi Andreı Rysev qazir jahandaný dáýiri bolǵandyqtan ulttardyń bir-birine dostyq qarym-qatynaspen qaraǵandyǵyn jón sanaıtyndyǵyn aıtady. «Qazaqstandaǵy eńbek mıgranttarynyń jaǵdaıyn Reseımen salystyrýǵa kelmeıdi. Bizde mıgranttar óte kóp, ári olardyń quqyqtarynyń buzylýy jıi oryn alyp turady, degenmen sońǵy ýaqytta olarǵa qysym kórsetý jaıttary seıildi», -deıdi A. Rysev.
