Almatyda Ortalyq Azııa memleketteri Syrtqy ister mınıstrleri orynbasarlarynyń kezdesýi ótedi
ASTANA. Aqpannyń 12-si. QazAqparat /Ernur Aqanbaı/ - Aqpannyń 17-de Almatyda BUU-nyń Ortalyq Azııaǵa arnalǵan preventıvti dıplomatııa jónindegi Óńirlik ortalyǵynyń uıymdastyrýmen Ortalyq Azııa memleketteri Syrtqy ister mınıstrleri orynbasarlarynyń ekinshi jyl saıynǵy kezdesýi ótedi.
Bul týraly búgin Astanadaǵy brıfıngte QR Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
Onyń aıtýynsha, kezdesýge BUU Bas hatshysynyń arnaıy ókili - Óńirlik ortalyqtyń basshysy Mıroslav Encha qatysady dep kútilýde. Qazaqstan tarapynan sharaǵa QR Syrtqy ister mınıstriniń orynbasary Qaırat Omarov qatysady. «Shara barysynda sý-energetıkalyq jáne ekologııalyq qaýipsizdik, transshekaralyq qaýip-qaterler: ekstremızmmen, lańkestikpen, uıymdasqan qylmyspen jáne esirtki saýdasymen kúres máselelerin, ıadrolyq qaýipsizdik máselesin jáne Aýǵanstandaǵy jaǵdaıdy talqylaý josparlanyp otyr. Sondaı-aq, Óńirlik ortalyqtyń 2009 jylǵy jumysynyń qorytyndysy jáne 2010 jylǵy jumys jospary qaralady», dedi A. Ábdirahmanov.
