Almatyda Ortalyq Azııa qolóner sheberleriniń kórme-jármeńkesi ótip jatyr

«Baqyt» sándik qoldanbaly óner ortalyǵy uıymdastyrǵan bul shara balalardy qorǵaý kúnine arnalyp otyr. Oǵan Qazaqstannyń ár aımaǵynan kelgen halyq sheberleri men Tájikstan, Qyrǵyzstan, Túrkimenstan, Ózbekstan, Reseı elderiniń 150-den astam qolónershileri qatysýda. Olar qala turǵyndary men qonaqtarynyń nazaryna kádesyılar, zergerlik, toqyma, bylǵary buıymdary, sazdy aspaptar, kilemder jáne boıtumarlar usynýda. Eki kúnge sozylatyn kórme-jármeńke kezinde balalar úıi men ınternat tárbıelenýshileri úshin «Álem balalary sýret salady» kórme-baıqaýy bolady. Sondaı-aq Qazaqstannyń sýretshi-sheberleri Kalımhan Rahmetbaıqyzy men Kúlán Janǵutty «biz keste» jáne «kıiz basý» ónerinen sheberlik dáristerin ótkizedi. Al Japonııa mádenıet ortalyǵynyń mamandary orıgamı jáne ıkebana óneriniń syryn ashpaq.