Almatyda Ortalyq Azııa qolóner sheberleriniń kórme-jármeńkesi ashyldy

     dep habarlaıdy QazAqparat.

         Kórmeniń uıymdastyrýshysy «Our Heritage» qoǵamdyq qory men «Baqyt»  sándik-qoldanbaly óner ortalyǵy.  Kórmege Ortalyq Azııanyń 6 elinen 300-ge jýyq qolóner sheberleri qatysýda. Kórme barysynda qoldan jasalǵan aǵash, toqyma, temir buıymdaryn, kıim, úı jabdyqtary, kádesyılyq zattar, túrli zergerlik buıymdardy, mýzykalyq aspaptardy, máselen ózbektiń doırasy men qazaqtyń dombyrasyn kórýge, satyp alýǵa bolady. Kórme-jármeńke zattarynyń baǵasy da arzan. «Baqyt» sándik-qoldanbaly óner ortalyǵynyń dırektory Baqyt Ábdikárimniń aıtýynsha, kórme jylyna 3 ret naýryz, mamyr aılaryndaǵy merekelerge, jańa jylǵa  oraı uıymdastyrylady. «Negizgi maqsat qolónershilerdi qoldaý,  tájirıbe almasý, ózekti máselelerdi talqylaý» deıdi B.Ábdikárim.

         Kórme aıasynda belgili sheber Zeınelhan Muhamedjannyń «Biz keste» atty qazaqtardyń ulttyq kesti tigý óneri boıynsha sheberlik synyby ótkizilýde.