Almatyda Ortalyq Azııa qoldanbaly óneriniń kórme-jármeńkesi ashyldy
ALMATY. 2 aqpan. QazAqparat /Názıra Eleýhan/ - Almatyda «Mádenı Azıada-2011» festıvali aıasynda Ortalyq murajaıda «Kerýen-saraı» dep atalatyn kórme-jármeńke ashyldy.
Kórme-jármeńkede elimizdiń, Qyrǵyzstan, Túrikmenstan, Tájikstan jáne Ózbekstan elderiniń 150-den asa belgili óner ıeleri, halyq sheberleri men sýretshi-qoldanbaly óner ókilderiniń týyndylary bar. Sonymen qatar elimizdiń "Sheber-2011» jáne ıÝNESKO-nyń «Sapa belgisi» baıqaýynyń jeńimpazdary da óz jumystaryn qoıǵan.
Shara barysynda Ortalyq Azııa men elimizdiń barlyq aýmaǵynan kelgen qolónershiler jurtshylyq nazaryna óz jumystaryn tanystyryp, mata, kıiz, zergerlik, kestelik, teri jáne qysh buıymdarynyń jasaý tásilderiniń barlyq qupııalaryn ashpaq.
Azıada men murajaı qonaqtary halyq sheberleriniń týyndylaryn qarap, estelikke satyp alyp qana qoımaı, buıymdardy daıyndaýdyń sheberlik synybyna da qatysa alady.
Kórme aıasynda belgili dızaınerler -Balnur Asanovanyń, Balhııa Dosanovanyń, Tatıana Vorotnıkova men Valentın Romanenkonyń, qolónershiler Kúlán Janǵuttynyń, Elmıra Shermuhanbetovanyń, kásibı sýretshi Sáýle Bapanovanyń etnıkalyq kıim úlgileriniń feshn-shoý qoıylymdary ótetin bolady.
6 aqpanǵa deıin bolatyn murajaı shańyraǵynyń astynda 5 kún boıy "Azııanyń halyq aspaptary" kontsertinde darhan dalanyń ulttyq aıshyqty mýzykasy sharyqtap, áýeleıtin bolady.
"Barlyq ótkiziletin aktsııalar ónerlerin Qazaqstandaǵy úlken sporttyq oqıǵaǵa arnaǵan shyǵarmashylyqtyń, talanttardyń dýmandy úlken merekesi. Búgin barlyq halyq sheberleri óz jumystaryn Azıadaǵa arnaýda. Osylaısha olar óz qoldaýlaryn bildirýde",-dedi mádenıettanýshy Baıan Aldabergenova.
Onyń aıtýynsha, búginde Qazaqstannyń qolóner sheberleriniń týyndylary álemdik deńgeıde moıyndalyp, halyqaralyq dárejedegi kórmelerge qatysyp, joǵary sapaǵa ıe bolǵan. "Búgin kórmege qatysyp jatqan «Sheber-2011» jáne ıÝNESKO-nyń «Sapa belgisi» baıqaýynyń 12 atalym jeńimpazdarynyń buıymdary sonyń bir aıǵaǵy",-dep atap ótti ol.
