Almatyda Ortalyq Azııa elderiniń gastroenterologııalyq kongresi bastaldy
Kongreske 500-ge jýyq dáriger qatysýda. Olardyń ishinde 95-si shet elden keldi. Gastroenterologtar, terapevtter, ınfektsıonıster, jalpy praktıka dárigerleri, pedıatrlar, onkologtar, zerthanalyq jáne fýnktsıonaldyq dıagnostıka salasyndaǵy mamandar asqazan-ishek joldary aýrýlaryn emdeý jáne tómendetý joldaryn qarastyrdy.
«Asqorytý organdarynyń aýrýlary múgedektik pen ólimder statıstıkasyna negizigi úlesin qosatyn aýrýlardyń bestigine kiredi. Bul dert dúnıejúzilik qoǵam densaýlyǵyna qaýip tóndiredi.Sondyqtan bul úlken másele. Gastroenterologııa salasynda az ınvazıvti jáne hırýrgııalyq kómek kórsetý onyń ishinde baýyr transplantatsııasy erekshe nazarǵa alynbaq. Sheteldik áriptestermiz klınıkalardaǵy jańashyl emdeý tásilderi men olardy eńgizý týraly aqparatpen bólisedi»,-dedi S.J Asfendııarov atyndaǵy QazUMÝ gastroenterologııa kafedrasynyń meńgerýshisi Aleksandr Nersesov.
Kongreske kelgen dárigerlerdi ishek aýrýlary da alańdatyp otyr. Dúnıejúzi boıynsha oıyq jara men kronǵa shaldyǵatyn adamdardyń sany jyl sanap artyp keledi.
Dıspanserlik naýqastar tirkeliminiń deregine sáıkes, Qazaqstanda kron aýrýmen -555 adam, oıyq jaraly kolıtpen -2218 naýqas esepke alynǵan. Bul tek resmı tirkelgender. Sondyqtan naýqastar sany budan da kóp bolýy múmkin.
«Іshektiń qabyný aýrýlaryn emdeý terapııasynyń negizin amınosalıtsıl qyshqyldary, jergilikti jáne júıeli kortıkosteroıdtar, ımmýnodýlıatorlar, sondaı-aq kómekshi dárilik quraldar-antıbıotıkter, temir jáne kaltsıı preparattary quraıdy. Elimizde ishektiń qabyný aýrýyna shaldyqqan naýqastardy emdeý jáne bıologııalyq terapııany júrgizý tegin. Qazirgi kezde ІQA aýyratyn naýqastardyń 2%-y ǵana bıologııalyq terapııa alady. Basqa memleketterde bul kórsetkish 15-30%-ǵa deıin jetedi»,-deıdi Іshekti zertteý jónindegi Qazaq ǵylymı qoǵamynyń tóraıymy Jámılá Qaıbýllaeva.
Halyqaralyq kongress jumysy bir aptaǵa sozylady. Sharany QR Densaýlyq saqtaý mınıstrligi, Qazaq ulttyq medıtsına ýnıversıteti, Kardıologııa jáne ishki aýrýlar ǴZI, baýyrdy zertteý boıynsha Qazaq qaýymdastyǵy, Іshek aýrýlaryn zertteý jónindegi qazaq ǵylymı qoǵamy uıymdastyrdy.
