Almatyda Ortalyq Azııa elderine arnalǵan «Jasyl paket» jobasynyń tanystyrylymy bolyp ótti

Bul qorshaǵan orta jaıynda bilim alýǵa arnalǵan mýltımedııalyq materıaldar jınaǵy. Shaǵyn dıskiniń ishinde qorshaǵan orta jáne onyń turaqty damýy salasyna arnalǵan 25 taqyryptyq aqparat engizilgen. Baǵdarlama «Tabıǵı orta», «Jaǵymsyz áserler», «Ekonomıka jáne qorshaǵan orta», «Jahandyq máseleler», «Qundylyqtar» atty bes bólimge bólingen. CD taspadan bólek pakette birneshe túrli oqýlyqtar, muǵalimder úshin josparlar, oqýshylarǵa arnalǵan ádistemelik quraldar, ekologııalyq beıne materıaldary bar kassetalar, «Máseleler jáne dılemmalar» atty ınteraktıvti oıyndar bar. Resýrstyń maqsatty toby - muǵalimder men 13-15 jas aralyǵyndaǵy oqýshylar.

"Baǵdarlama tek qana naqty aqparattardy usynyp qoımaıdy, ol oqýshylar arasynda jańa qundylyqtar júıesin, mektep pen úıde, qoǵamda ózin-ózi ustaýdyń jańa úlgisin qalyptastyrýǵa baǵyttalǵan",-dedi Ortalyq Azııanyń aımaqtyq ekologııalyq ortalyǵynyń joba úılestirýshisi, baǵdarlamanyń menedjeri Tatıana Shakırova. Onyń aıtýynsha, ekologııalyq mádenıetti qalyptastyrý máseleleri Ortalyq Azııanyń ár mınıstrligi men vedomstvolarynda basym baǵyttardyń qatarynda qalýy tıis.

Atalmysh joba Ortalyq jáne Shyǵys Eýropa aımaqtyq ekologııalyq ortalyǵymen birge iske asýda. Bul ortalyq jobanyń jasaýshysy, ári Eýropanyń jáne TMD elderinde oryndaýshysy bolyp tabylady. "Taspa Ortalyq Azııadaǵy resmı jáne resmı emes bilim júıesindegi oqytýshylarǵa, sonymen qatar qorshaǵan ortany qorǵaý salasyndaǵy qyzmetkerlerge arnalǵan",-dep atap ótti Tatıana Shakırova tanystyrylym barysynda.

Shara aıasynda jattyqtyrýshylarǵa arnalǵan úsh kúndik trenıng ótedi. Onyń maqsaty - orta mektep muǵalimderiniń, ÚEU ókilderiniń jáne Ortalyq Azııa elderiniń memlekettik organdarynyń potentsıalyn kóterý bolyp tabylady.

Alǵashqy «Jasyl paket» jobasy 2002 jyly jasalǵan bolatyn. Sol jyldardan beri osy joba boıynsha Polsha, Bolgarııa, Vengrııa, Chehııa, Slovakııa jáne Reseı elderindegi 10 000-nan asa muǵalim jáne 1 mıllıonnan astam oqýshylar bilim alǵan. Búginde osy syndy oqý materıaldary Eýropa jáne Shyǵys Eýropa men Kavkaz aımaqtaryna jasalýda. Qazaq tilindegi baǵdarlama bıyl jeltoqsan aıynyń ortasynda shyqpaq. Ony jasaýshy Ortalyq Azııa aımaqtyq ekologııalyq ortalyǵy. Joba «Shevron» kompanııasynyń, Almatydaǵy ıÝNESKO klasterlik bıýrosy men Astanadaǵy EQYU Ortalyǵynyń qoldaýymen iske asýda.