Almatyda Ortalyq Azııa dokýmentalısteri bas qosty
T. Júrgenov atyndaǵy Qazaq ulttyq óner akademııasynyń málimetinshe, forýmnyń ashylý saltanatynda akademııa rektory Ashat Maemırov, Shaken Aımanov atyndaǵy «Qazaqfılm» AQ prezıdenti, rejısser Baqyt Qaıyrbekov jáne birqatar kıno mamandary sóz sóılep, kórsetiletin fılmderge qysqasha toqtaldy.
«Birinshi Ortalyq Azııa derekti kıno forýmyn ótkizýdegi maqsat - túp-tamyrymyzdy, ulttyq tarıhymyzdy tereńinen zerdelep, derekti fılmder arqyly kıno keńistigine shyǵarý. Akademııanyń «Kıno jáne TV» fakýltetinde derekti fılm rejıssýrasy naqty júıeli túrde jolǵa qoıylǵan. Elimizdiń rýhanı qundylyqtaryn dáripteıtin derekti fılmder álemdik deńgeıde úlken mánge ıe. Jıynǵa Ózbekstan, Qyrǵyzstan jáne Tájikstannan joǵary deńgeıdegi bilikti rejısserler kelip otyr. Jalpy, derekti fılm arqyly tarıhı tulǵany qandaı málimetter arqyly kórermenge usynýǵa bolady? Osy oraıda, forým barysynda eki fılmniń tusaýkeseri ótedi. Birinshisi - ózbek rejısserleriniń Venetsııa festıvalinde jeńimpaz atanǵan «Ulyqbek» derekti fılmi. Ekinshisi - qazaqstandyq kınorejısser Baqyt Qaıyrbekovtyń fılmi. Ol Uly dalanyń túrki tektes halyqtarynyń tarıhyn arqaý etken. Іs-shara barysynda jıyrmaǵa jýyq fılm kórsetilmek», - dep atap ótti.
Sharaǵa Ortalyq Azııa aımaǵynyń belgili dokýmentalısteri, KSRO Memlekttik syılyǵynyń laýreaty, rejısser Shýhrat Mahmýdov, ózbekstandyq stsenarıst jáne kınotanýshy Razıka Mergenbaeva, kınotanýshy Sadýllo Rahımov, Tájikstannan rejısser jáne prodıýser, HKF laýreaty Orzýmýrod Sharıpov, kınotanýshy Gýlbara Tolomýshova, Qyrǵyzstannan jas dokýmentalısterdiń kóshbasshysy Janyshbek Dadabaev, rejısser Vladımır Tıýlkın, rejısser Anýar Raıbaev, kınotanýshy Aleksandra Lýmpova, jas rejısser Evgenıı Lýmpov qatysýda.
Forýmnyń birinshi kúni - ózbek, ekinshi kúni - qyrǵyz ben tájik, al sońǵy kúni qazaq fılmderi kórsetiledi.
