Almatyda Ortalyq Azııa aýmaǵynda alǵashqy «Eurocopter» tikushaqtaryna tehnıkalyq qyzmet kórsetý ortalyǵy ashyldy
ALMATY. Shildeniń 16-sy. QazAqparat /Danıel Shaıynǵazın/ - Búgin QR kólik jáne kommýnıkatsııa mınıstrligi azamattyq avıatsııa komıtetiniń tóraǵasy Rádilbek Ádimolda «Eurocopter» kompanııasynyń sertıfıkatyn «SKY TECH» kompanııasyna tapsyrý rásimine qatysty. Atalǵan qujat «Eurocopter» frantsýz kompanııasynyń Ortalyq Azııa aýmaǵynda alǵashqy tikushaqtarǵa arnalǵan tehnıkalyq qyzmet kórsetý ortalyǵynyń ashylýyn qýattaıdy, dep habarlaıdy QR Kólik jáne kommýnıkatsııa mınıstrliginiń baspasóz qyzmeti.
Qazaqstandyqtardy ataýly is-sharamen quttyqtap, sertıfıkatty tapsyrýǵa «Eurocopter VOSTOK» kompanııasynyń bas dırektory Lorans Rıgolını men Orta Azııadaǵy «Eurocopter» kompanııasynyń bas menedjeri Emerık Lomm keldi.
Tehnıkalyq ortalyqtyń ashylý rásiminen keıin «Eurocopter» kompanııasy tikushaqtarynyń sherýi ótti.
Anyqtamalyq: 2007 jyly qurylǵan «SKY TECH» qyzmet kórsetý ortalyǵy Qazaqstan Respýblıkasynda tikushaqtarǵa qyzmet kórsetýdegi alǵashqy jáne jalǵyz tehnıkalyq ortalyǵy bolyp sanalady. «SKY TECH» tikushaqtarǵa tehnıkalyq qyzmet kórsetý ortalyǵy tolyq avıatsııalyq-tehnıkalyq qyzmet kórsetip, áýe kemelerdiń ushý jaramdylyǵyna kepildik beredi, Qazaqstannyń barlyq aýmaǵyna qosalqy bólshekter, qurylymdar men jaǵar maı materıaldardy jetkizýdi qamtamasyz etedi. Sonymen qatar, Qazaqstan Respýblıkasynan tys aýmaqta áýe kemelerin satyp alý jóninde kelisimshart jasaý barysynda keńesshi retinde qyzmetterin kórsetedi.
«SKY TECH» JShS-tiń ınjenerlik-tehnıkalyq quramy áýe kemelerine óz betimen tehnıkalyq qyzmet kórsetýge ruqsaty bar. Barlyq mamandar óndirýshi zaýyt lıtsenzııalanǵan oqý oryndarynda teorııalyq jáne tájirıbelik daıyndyqtan ótip, tehnıkalyq qyzmet kórsetý boıynsha nusqaýlyǵynda kórsetilgen barlyq tekserýler men tehnıkalyq qyzmet kórsetýdiń barlyq túrlerin jasaýǵa ruqsattamalary bar.
1992 jyly qurylǵan «Eurocopter» kompanııasy aeroǵaryshtyq jáne qorǵanys salasynyń, sondaı-aq, ilespeli qyzmetterdi kórsetýdegi iri kóshbasshysy bolyp sanalatyn EADS kompanııasynyń qurylymdyq bólimshesi. EADS Group quramyna Airbus avıaqurylys kompanııasy, dúnıejúzindegi tikushaqtardyń iri óndirýshisi Eurocopter kompanııasy jáne zymyrandyq júıe salasynda álemdik kóshbasshy MBDA birlesken kásiporyny kiredi. EADS Eurofighter konsortsıýmynyń jetekshi seriktesi, Ariane baǵdarlamasy boıynsha negizgi atqarýshy, A400M áskerı ushaǵyn qurastyrýshysy, sonymen qatar Galileo seriktik navıgatsııa eýropalyq júıe baǵdarlamasynyń iri qatysýshysy.
2009 jyly Eurocopter dúnıejúzindegi birinshe azamattyq jáne vedomstvolyq segmentte tikushaqtardy óndirýshi retinde birinshi nómirli pozıtsııasyn nyǵaıtty. Kompanııanyń jyldyq aınalymy 4,6 mıllıard eýrodan asyp, kommertsııalyq jáne vedomstvolyq sektor úshin azamattyq tikushaqtar naryǵyndaǵy bóligi 52% qurady. Barlyq álemdik tikushaq parkiniń 30% Eurocopter úlesinde. Bes qurlyqtaǵy 18 enshiles kásiporyn, tarmaqtalǵan dıstrıbıýterlik jeli, satý jónindegi sertıfıkattalǵan agentter men qyzmet kórsetý ortalyqtary kompanııanyń dúnıejúzilik deńgeıin qamtamasyz etedi. Qazirgi ýaqytta Eurocopter 10500 astam tikushaqtary 140 eldegi 2 800 ıelenýshilerdiń paıdalanýynda. Eurocopter kompanııasy azamattyq jáne áskerı úlgileriniń keń aýqymyn usynady.
