Almatyda orta mektep muǵalimderine arnalǵan «Ortalyq Azııa úshin jasyl paket» atty semınar ótip jatyr

«Sharanyń maqsaty - «Jasyl paket» ortalyqazııalyq mýltımedıaly bilim beretin resýrstyń aqyrǵy nusqasynyń tusaýkeserin jasap, elimizdiń orta mektepterindegi muǵalimderdiń bilimderin jetildire túsý», -deıdi atalǵan jobanyń úılestirýshisi Tatıana Shakırova.

Bul resýrs negizinen 13-15 jas shamasyndaǵy oqýshylar men muǵalimderdi qamtıdy.

«Jasyl paket» - qorshaǵan ortamen onyń turaqty damýyna qyzyǵýshylyq tanytýshylarǵa arnalǵan bilim materıaldarynyń pánaralyq mýltımedıaly komplekti bolyp sanalady. Ol Ortalyq Azııa men Shyǵys Eýropa aımaqtyq ekologııalyq ortalyqtarynyń atsalysýymen jasalǵan», -dep atap ótti óz sózinde T. Shakırova.

Atalǵan taspa qorshaǵan ortamen onyń turaqty damýyna baılanysty 25 taqyryptan turatyn málimetter men «Tabıǵı orta», «Qolaısyz áserler», «Ekonomık jáne qorshaǵan orta», «Jahandyq máseleler» syndy basty 5 bólimnen turady.

Muǵalimderdiń aıtýynsha, bul materıaldar óte mańyzdy ári qolaıly. Óıtkeni sabaq berý barysynda taspaǵa jazylǵan materıaldardy oqýshylarǵa kórsete otyryp túsindirgen óte tıimdi kórinedi.

2002 jyldan beri osy materıaldardy meńgerýge 10 myńdaǵan muǵalim men Polsha, Bolgarııa, Vengrııa, Chehııa jáne Slovakııa, Reseıden mıllıondaǵan oqýshy qatysqan.

«Búgingi sharaǵa qatysyp otyrǵan toptyń ereksheligine toqtalsam, munda QR qazaq synyptarynda sabaq beretin muǵalimder jınalyp otyr. Shevron jáne Astanadaǵy EQYU ortalyǵynyń qoldaýymen «Ortalyq Azııa úshin jasyl paket» jobasy qazaq tiline aýdarylyp, búgingi kúni elimizdiń qazaq synyptarynda oqıtyn oqýshylarǵa qoljetimdi bolyp otyr», -deıdi joba úılestirýshisi.

Semınarǵa Astana, Almaty, Temirtaý jáne Qaraǵandy qalalarynyń orta mektepterinde geografııa, fızıka, bıologııa pánderinen sabaq beretin muǵalimder qatysýda.

24 jeltoqsanǵa deıin jalǵasatyn sharany Shevron jáne Astanadaǵy EQYU ortalyǵynyń qoldaýymen Ortalyq Azııanyń aımaqtyq ekologııalyq ortalyǵy uıymdastyryp otyr.