Almatyda orta býyndy medıtsına qyzmetkerleriniń ІІ sezi ótip jatyr

dep habarlaıdy QazAqparat.

Sezd jumysyn ashqan QR Densaýlyq saqtaý mınıstri Jaqsylyq Dosqalıevtiń aıtýynsha, jıyn orta bilimdi medıtsına mamandarynyń ózekti máselelerin talqylaý, naqty sharalar qabyldaý maqsatynda ótkizilip otyr. Sezd barysynda orta bilimdi medıtsınalyq jáne farmatseptıkalyq qyzmetkerlerdi áleýmettik qorǵaý, bilim berý salasyna ınnovatsııalyq tehnologııalardy engizý, qazirgi zamanǵa saı qaıta daıarlaý máseleleri talqylanyp, usynystar negizinde arnaıy qarar qabyldanbaq. Alqaly jıynǵa 700-den astam medıtsına mamandary qatysýda. Olardyń 247-si elimizdiń ár aımaǵynan kelgen. Olardyń qatarynda 90 jastaǵy Qyzylorda oblysynan kelgen ardager Shyryngúl Ahmetova da bar. Ol búgin QR Densaýlyq saqtaý mınıstriniń qolynan arnaıy tós belgimen marapattaldy.

QR UǴA akademıgi, professor Tóregeldi Sharmanovtyń aıtýynsha, orta býyndy medıtsına mamandarynyń alǵashqy sezi 1981 jyly ótkizilgen. «Odan bergi ýaqyt aralyǵynda zaman talaby ózgerdi. Qazirgi zaman talabyna saı máselelerdi qarastyryp, sheshý oń bastama. Sondyqtan sezdiń bereri mol bolady dep senemin» dedi akademık.

Jalpy sezge arnalǵan sharalar keshe bastalǵan bolatyn. Sezd delegattary keshegi kúni Dańq memorıalyna gúl shoǵyn qoıyp, respýblıkalyq medbıkeler konkýrsy bastalǵan bolatyn. Búgin sezdiń ashylýynda konkýrs qorytyndysy shyǵarylyp, jeńimpazdar anyqtaldy. Sonymen qatar elimizdiń barlyq aımaǵyndaǵy 93 orta býyndy medıtsına mamany qurmet gramotalarymen, tós belgilerimen marapattaldy.