Almatyda órt sóndirýshilerdi eske alý kúni 26 qyzmetker ant qabyldady
ALMATY. QazAqparat – Qalyptasqan dástúr boıynsha jáne qazaqstandyq patrıotızmdi qylyptastyrý maqsatynda Almaty qalasynyń Tótenshe jaǵdaılar departamentinde jyl saıyn 20 mamyrda, Almaty-2 temir jol beketinde órt sóndirý kezinde qaza bolǵan qyzmetshilerdi eske alý kúni órt sóndirýshi-qutqarýshylardyń jas tolyqtyrýshylary saltanatty túrde ant qabyldaıdy, dep habarlaıdy QazAqparat tilshisi.
Bıyl Almaty garnızonynyń 26 jas qyzmetkeri ant qabyldady. Saltanatty rásimdi Almaty qalasynyń TJD bastyǵy Rýslan Qasybaev ashty.
Órt sóndirý qyzmetiniń ardageri ıAkýpov Ilıas Hısmıatovıch quttyqtaý sózin azamattyq qorǵaý qataryna qosylǵan jas qyzmetkerlerge arnady.
Bir mınýt únsizdik jarııalap, qaza bolǵandardy eske aldy. Іs-sharaǵa órtke qarsy qyzmet ardagerleri, qaza bolǵan órt sóndirýshilerdiń balalary men týystary qatysty.
1989 jyly 20 mamyrda Almatyda qaıǵyly oqıǵa oryn aldy, «Almaty-2» beketiniń kirme joldarynda eki manevrlik teplovoz soǵysqan. Gazy bar 6 tsısternanyń bireýi soǵyldy, nátıjesinde órt týyndap, jalyndaǵan ot ekinshi tsısternany jandyryp jiberdi, gaz qatty jaryldy. Úsh júz metrge deıin kóterilgen jalyn jaqyn mańaıda turǵandardyń bárin basyp qaldy.
Órt sóndirýshilerdiń erligi men janqııarlyǵynyń arqasynda, orny tolmas shyǵynǵa qaramastan, qalǵan gazy bar tórt tsısternany qaýipsiz jerge jyljytyp, taǵy da jarylýdyń aldyn aldy, jaqyn mańaıda ornalasqan úıler men qurylystardy órtten saqtap qaldy. Kóptegen qala turǵyndarynyń da ómirin qutqardy. Órt sóndirýshilerdiń janqııarlyǵy, olardyń tózimdiligi, erligi men kásibı biliktiligi jalyndy jeńip shyqty.
Bul jeńis ońaılyqpen kelmedi – tilsiz jaýdan bizdiń 9 áriptesterimiz órtten alǵan kúıikterdiń nátıjesinde qaıtys boldy, olar ózderiniń kásibı mindetterin múltiksiz oryndady.
Kúrdeli órtti sóndirý kezinde kórsetken erligi, batyrlyǵy men janqııarlyǵy úshin KSRO Joǵarǵy Keńes Prezıdıýmynyń Jarlyǵymen qaıtys bolǵannan keıin – Qyzyl Juldyz Ordenimen nagradtaldy, olar: I.F.Safarǵalıev, R.S.Qasymov, S.K.Álimtaev, I.A.Abdranov, F.A.Sharıpov, K.Aqqulov, E.K.Ysqaqov, V.V.Nıkýlenko, M.I.Malıkov.
Olardyń kórsetken erligi Almaty garnızonynyń barlyq órt sóndirýshi-qutqarýshylary úshin óz isine degen máńgilik qyzmet etýdiń úlgisi bolyp qalady.
