Almatyda órt sóndirýshiler janyp jatqan páterden 10 jasar qyz balany qutqardy
ALMATY. QazAqparat – Almatyda kóppáterli turǵyn úıden órt shyǵyp, kishkentaı bala qutqaryldy, dep habarlaıdy QazAqparat tilshisi.
Búgin, túnde saǵat 00:39-da Almaty qalalyq TJD-nyń kezekshi «101» pýltine 3-shaǵyn aýdandaǵy № 39B úıden órt shyqqany týraly habarlama túsken.
«Órt sóndirý brıgadasy kelgen kezde úshinshi qabattaǵy páterdiń terezelerinen qoıý tútin shyǵyp jatty. Úshinshi jáne tórtinshi qabattyń baspaldaǵyn tútin basyp ketken. Qutqarýshylar 40 adamdy evakýatsııalady, olardyń 10-y bala. Turǵyndar tórtinshi qabattaǵy páterlerdiń birinde adam bar ekeni aıtty. Órt sóndirý qyzmetkerleriniń shuǵyl áreketiniń arqasynda 10 jasar qyz ben ony ákesi qutqaryldy»,- dep habarlaıdy Almaty qalalyq TJD baspasóz qyzmeti.
Páterdegi órt jarty saǵatta tolyqtaı sóndirildi. Jalyn 10 sharshy metr jerdi sharpyǵan. Qazir órttiń shyǵý sebebi anyqtalyp jatyr.
