Almatyda órt sóndirýshiler janyp jatqan dúkennen 48 jastaǵy áıeldi qutqardy
Órt 20 aqpan kúni tańerteń «Taýgúl» shaǵynaýdanynda shyqqan.
Qalalyq TJD habarlaýynsha, taýar qoıylǵan aǵash sóreler janǵan. Jalyn eki qabatty «Bereke» dúkeniniń birinshi qabaty qabyrǵalarynyń ishki qaptamasyna taraǵan.
«Ǵımarattan kózdi ashytatyn tútin býdaqtaǵan. Kórshi úılerdiń turǵyndary úreılenip, jınala bastaǵan. Órtti barlaý jáne kýágerlermen suhbat júrgizý kezinde dúken ishinde onyń qyzmetkeri 48 jastaǵy áıeldiń qalǵany anyqtalǵan. Bul týraly órtenip jatqan dúkennen shyǵyp úlgergen onyń áriptesi aıtqan. Úreılengen áıeldi órt sóndirýshiler sabyrǵa shaqyryp, dúken bólmeleriniń qalaı ornalasqanyn egjeı-tegjeıli biledi», - dedi vedomstvoda.
Áıeldi qutqarý úshin quramynda bólimshe komandıri bar 1-MÓSB gaz-tútinnen qorǵaý qyzmeti dereý dúken ǵımaratynyń ishine kirdi.
Kassalyq apparattyń artynda dúken ishinde taǵy úsh bólme bar ekeni belgili boldy.
«Jábirlenýshi bólmelerdiń birinen (dárethanadan) tabyldy. Áıel dymqyl oramalmen tynys alýǵa tyrysqan, biraq es-tússiz jatqan. Órt sóndirýshiler ony taza aýaǵa shyǵaryp, alǵashqy medıtsınalyq kómek kórsetken. Kelgen medıtsınalyq brıgada zardap shegýshini Jedel shuǵyl kómek kórsetý aýrýhanasynyń toksıkologııa bólimine jatqyzdy»,- dep atap ótti departamentten.
Órt sóndirýshiler kelgen sátten bastap jalyn 15 mınýt ishinde aýyzdyqtaldy, jalpy aýmaǵy 8 sharshy metrge taraǵan órt 6:51-de tolyǵymen sóndirildi.
Órtti sóndirýge 8 tehnıka, jeke quramnan 20-dan astam adam, sondaı-aq ózara is-qımyl qyzmeti jumyldyryldy.
