Almatyda órt sóndirýshiler 8 jastaǵy qyzdy qutqaryp qaldy
ALMATY. QazAqparat - Almatyda órt sóndirýshi 8 jastaǵy qyzdy órtengen páterden aman-esen alyp shyqty, dep habarlaıdy QazAqparat tilshisi.
Qalalyq TJD baspasóz qyzmetiniń habarlaýynsha, tótenshe jaǵdaı búgin Medeý aýdanyndaǵy «Tólebaev kóshesi, 37» mekenjaıy boıynsha ornalasqan úıde bolǵan.
Órt sóndirýshiler oqıǵat ornyna 7 mınýtta jetken.
Belgili bolǵandaı, 4 qabattaǵy páterlerdiń birinde as úı jıhazy órtengen.
Páterde 8 jastaǵy qyz bala bolǵan. Órt sóndirý qyzmetiniń tútinnen qorǵaý zvenosynyń qyzmetkerleri qoıý tútin arasynan 8 jastaǵy qyzdy aman alyp shyqty.
Órt 12:04-te sóndirildi. Eshkim japa shekken joq.
Qalalyq TJD ókilderi turǵyndarǵa kishkentaı balalardy jalǵyz qaldyrmaýdy eskertedi.
