Almatyda órt sóndirýshi beınelengen mýral paıda boldy
ALMATY. QazAqparat - Shalıapın men Saın kósheleriniń qıylysynda ornalasqan bes qabatty úıdiń qabyrǵasynda órt sóndirýshi-qutqarýshy beınelengen mýral paıda boldy, dep habarlaıdy QazAqparat tilshisi.
«Kompozıtsııada erlik pen batyldyqtyń sımvoly retinde, órt apatymen kúresetin batyr beınelengen. Mýral-kún saıyn óz ómirin qaterge tigip, azamattardyń qaýipsizdigin qamtamasyz etetin órt sóndirýshi - qutqarýshylardyń eren eńbeginiń aıqyn nyshanyna aınalady»,- dedi qalalyq TJD baspasóz qyzmeti.
Vedomstvo málimetinshi, jyl basynan beri almatylyq qutqarýshylar 1,8 myń órtti joıý jumystaryn júzege asyrdy, tótenshe jaǵdaı oryndarynan 327 adam evakýatsııalandy, órt kezinde jáne qalanyń sý aıdyndarynda 144 adam ómirin saqtap qaldy, onyń ishinde 17 bala bar.
