Almatyda órt sóndirýge bara jatqan kólik apatqa ushyrady
ALMATY. QazAqparat - Almatynyń ortalyǵynda 1 qabatty úı órtenip, jalyn kórshi úıdi sharpydy. Órtti sóndirýge bara jatqan órt sóndirýshi kólik apatqa ushyrady, dep habarlaıdy QazAqparat.
Almaty qalasynyń Tótenshe jaǵdaılar departamentiniń resmı ókili Sandýǵash Baımuhambetova, 20 tamyz kúni saǵat 23-32-ler shamasynda «101» nómirine Medeý aýdanynyń Maqataev kóshesindegi eshkim turmaıtyn 53 úıdiń órtenip jatqany týraly habar túskendigin aıtty.
Oqıǵa ornyna saǵat 23-41-ler shamasynda órt sóndirýshiler jetken.
«Órt sóndirýshiler kelgende onda 1 qabatty úı órtenip jatqan jáne jalyn eshkim turmaıtyn 4 qabatty úıdiń shatyryn sharpyǵan. Órt sóndirýshilerdiń kúshimen tilsiz jaý saǵat 23-53-te sóndirildi. Órtengen aýmaqtyń kólemi naqtylanýda»,-dedi Sandýǵash Baımuhambetova.
Osy kezde órt sóndirýge ketip bara jatqan kólikterdiń biri Qonaev pen Gogol kóshesiniń qıylysynda jol apatyna ushyrady. Órt sóndirýshi kólik Qonaev kóshesimen soltústikke qaraı baǵyt alǵan. Kólik jol qıylysynan óter kezde ony BMV kóligi kelip qaqqan.
Jeńil kólik baǵdarshamnyń jasyl belgisine Gogol kóshesinen shyǵysqa qaraı burylyp, jatqan, alaıda ol arnaıy belgisi bar kólikke jol bermeı jol erejesin buzdy. Osy oqıǵanyń saldarynan órt sóndirýshi kólik aýdarylyp qaldy. Abyroı bolǵandar eshkim zardap shekpegen.
