Almatyda órt shyqqan úıden ana men bala qutqaryldy
ALMATY. QazAqparat - Almaly aýdanyndaǵy bes qabatty turǵyn úıden órt shyqty. Qutqarýshylar páterden shyǵa almaı qalǵan anasy men tórt jasar ulyn aman alyp qaldy, dep habarlaıdy QazAqrparat tilshisi.
Qalalyq Tótenshe jaǵdaılar departamentiniń málimetinshe, 14 qazan kúni saǵat 16:00- de TJD 101 pýltine Almaly aýdanyndaǵy Turǵyt Ozal 57 meken-jaıy boıynsha turǵyndardan órt týraly habarlama tústi.
«ÓSB-14 órt sóndirý bólimshesi esepteri birinshi bolyp kelgen sátte, barlaý jumystary barysynda turǵyn úıdiń besinshi qabatta ornalasqan qoıý tútin, ashyq jalynmen vıtrajdy balkon janyp jatqanyn anyqtady, órt janynda ornalasqan jıhazǵa taralyp úlgergen. Baspaldaq alańynda joǵary temperatýra, ýly tútin paıda bolyp, páterlerden adamdar shyǵa almaı qaldy»,- dep habarlady vedomstvadan.
Qaraýyl bastyǵy azamattyq qorǵaý aǵa leıtenanty Rýstam Ýladıev qutqarý jumystaryn júrgizý jáne órt sóndirý kezinde gaz-tútinnen qorǵaý qyzmetiniń janyp jatqan qabattaǵy páterlerden adamdardy evakýatsııalaý týraly sheshim qabyldady.
«Qalyptasqan jaǵdaıǵa baılanysty ÓSB-1 (órt sóndirý basshysy) jeke quramǵa jabylyp turǵan esikti ashý jáne adamdardy shyǵaryp alyp týraly komanda berildi. Aǵa órt sóndirýshi Ádilmurat Sabyrjan men Áben Talant páterge qamalyp qalǵan E. Janbotaeva men onyń tórt jasar ulyn qutqardy. Baqytymyzǵa oraı, qutqarylǵandarǵa medıtsınalyq kómek qajet bolmady»,- dep tolyqtyrdy departamentten.
Órt 7 mınýt ishinde aýyzdyqtalyp, 16:38-de tolyq sóndirildi.
Oǵan eki órt sóndirý bólimshesi, 5 avtotehnıka, jeke quramnyń 17 adamy jumyldyryldy.
Qabyldanǵan sharalardyń arqasynda eshkim zardap shekken joq.
