Almatyda órt saldarynan 46 páterge zaqym keldi
Almaty ákiminiń orynbasary Erlan Áýkenov qalpyna keltirý jumystary boıynsha tıisti tapsyrmalar berdi. Bul jumystardy dámhananyń menshik ıeleri oryndaıtyn bolady.
Qalpyna keltirý jumystary 13 mamyrǵa deıin aıaqtalýy tıis. Al ázirge zardap shekken páterlerdiń ıeleri ózderine ýaqytsha baspana izdeýge májbúr bolýda. Belgili bolǵanyndaı, órttiń saldarynan 46 páter zaqymdandy.
Esterińizge sala ketelik, dámhanada bolǵan órt saldarynan 7 adam qutqarylyp, 120 adam evakýatsııalandy. Olardyń ishinde úsh bala bar. Bir adam ýytty gazǵa ýlaný nyshanymen aýrýhanaǵa jatqyzyldy. Basqalaı zardap shekkender men qurban bolǵandar joq. Tilsiz jaýdy joıýǵa Órt sóndirý qyzmetiniń jeke quramynan 115 adam men 21 arnaıy tehnıka, sondaı-aq, jergilikti polıtsııa qyzmetkerleri, jedel medıtsınalyq járdem dárigerleri, kommýnaldyq qyzmetterdiń qyzmetkerleri jumyldyryldy. Órt tańǵy saǵat 05:52-de aýyzdyqtalyp, 06 saǵat 36 mınýtta tolyyqtaı sóndirildi. Órttiń jalpy aýmaǵy - 1100 sharshy metrdi qurady.