Almatyda órt qosalqy elektr stantsııasyn isten shyǵardy
ALMATY. QazAqparat - Almatyda órttiń jalynynan transformatorlyq qosalqy stantsııa zaqymdandy, dep habarlaıdy QazAqparat tilshisi.
Almatyda Qalqaman-2 shaǵyn aýdanyndaǵy eki qabatty jeke turǵyn úıdiń aýlasyndaǵy ǵımaratta órt tutanǵany týraly habar saǵat 13:00-der shamasynda túsken.
«Órt sóndirýshilerdiń alǵashqy toby 13:07-de oqıǵa ornynda boldy. Onda aýlaǵa salynǵan ǵımarat, monsha men dúken órtenip, ot jalyny turǵyn úıdiń ekinshi qabatyna kóshkeni anyqtaldy. Sondaı-aq, órt jumys istemeı turǵan óndiris tsehynyń ekinshi qabatyna da tıgen. Órt sóndirýshiler jalyndy 13:49-da aýyzdyqtap, 14-02-de tolyǵymen sóndirdi», - dedi qalalyq TJD-nyń resmı ókili Sandýǵash Baımuhambetova.
Órt 200 sharshy metr aýmaqty sharpyǵan. Ot qyzýynan zaqymdanǵan transformatorlyq qosalqy stantsııaǵa jóndeý jumystary júrgiziletin bolady. Órtten adamdar zardap shekken joq.
